1-5-2018
難得幾日來, 今天是第一次不去辦公室.(我又吾係開公司, 只係佔用人地地方工作...怎稱呼好呢? 都係辦公室比較貼切吧)
不去辦公室, 都會在家工作, 譬如, 比較上網速度和計劃, IB帳戶申請, 另一報價系統取捨.
算是娛樂的, 是去做gym, 做完背部沒有那麼扯緊.
基本上, 曾交待過的, 都不贊成我的決定, 說我太冒險.
是吧, 但對自己而言, 現在還不去試, 便真的賭未來舊老闆良心發現.
(會嗎? 挽留方法是減人工, 工作量不減耶...)
大部分朋友最多, 只是表示尊重我的決定.
잘 했어 (jal haess-eo)
嗯, 終究是強人所難.
這幾天忙到 hihi, 有些朋友卻說我無工在身, 應好得閒出來吃飯......有點無語.
(ii)
1-5-2018
今天是五一, 我想, 還是大把人返office 工的人, 今天要返工.
人工咁高, 梗係要OT 啦.
那樣子, 我都不算孤單.
好多野要諗...
(iii)
3-5-2018
雖然忙, 昨晚還是盡力履行了辭職前已有的飯約.
去了已很久沒去過的串串貢.
朋友本來想吃串夠味.
我心想, 咪同一個老闆...
結果呢...係食得出串串貢係有點hea 住燒的感覺
沒有以前吃過的串夠味那麼好吃.
也難怪, 串夠味係多人多過串串貢.
還是, 連現在的串夠味都已沒有以前那麼好吃呢? 真係吾知.
好懷念東京銀座那間居酒屋, 又平又好好吃...
---
開頭和朋友在串夠味門外等位.
店內, 有一對港男港女.
那個港女係要男人餵飼式吃串燒, 不用動手.
"你係咪妒忌人地有女朋友先?"
"作為一個雙失中年, 這些機會...我係妒忌..."
"俾你有女朋友, 你都會拿起串燒咁餵人地啦..."
"吾會!! 我會用口餵....降一降熱先..."
(取自廿四孝典故, 黃香暖被窩...)
"....."
過了一會, 港男女的朋友join 了他們.
港女終於識用手食野了...
---------
"現在雖然無業了, 但比以前更忙, 更困身, 好多野要諗... 也有野想做, 也沒機會做..."
"例如? "
"好似染髮...以前份工點可以染金毛...現在可以染了, 但我仲邊搵到野染? 大學時吾染, 咁成世都冇機會再染"
"....."
講真的, 男人和女人不同.
女人染髮, 只要吾係染到MK金毛, 染得低調些, 例如暗紅色, 平時日光日白吾太覺, 但在室內studio 燈投射打光, 卻見到暗紅色出番嚟, 即係highlight 頭髮layer 層次, 係靚, fashion嚟...
但要染到咁好手勢, 一個普通 MK 妹又邊會俾得起錢呢...
(iv)
3-5-2018
昨去了 One Landmark East 交開戶表.
嗯, 好大鄉里...一時沒為意, 入左lift才知入lift 前已要揀層數.
雖然, 若去太子大廈那個banker's club (好似快要喬遷...) / Exchange Square 1/2? America ?? Club , 都會有機會搭呢啲lift , 我之前係搭過.
連結幾日忙瑣碎事.
好累...累得昨沖了一次涼後, 發呆, 居然又再去沖多一次.
不過, 還是覺得好的...
世界好大, 以前的工作環境真的很狹窄.
譬如, 股票報價系統, 舊公司一直只訂用舊版軟體, 現在才有機會試用新版...
雖然很多地方都不同了, 要花時間重新適應.
心裡卻會滴汗, 乜我以前一直用咁crap 的舊version去炒股架...
用新版省回很多時間啊.
坊間很多標榜 hitech intelligent trading software...
其實很多的, 在外國公司早已有....
自己, 實在已沒時間支持本地軟件公司研發改進.
更別說, 自己嘈了成年的 raw data process 做得好差的問題, 一直沒有解決.
我容忍了它們好多...間間都有那些/ 這些問題.
你估我好得閒, 錢多過頭, 咁鍾意用幾款報價系統.
簡單的例子, 你不妨比較不同報價供應商的 moving average, 揀有派息, 息率不低的.
(v)
3-5-2018
分部收入增長理想.
她, 應交到數有餘, 又是尖子那批, 不會被人捽.
不過, 也該忙到嘔電吧, 在過去一季.
辛苦了.
怎都好, 希望她保重身體.
(vi)
6-5-2018
這數天在忙甚麼呢?
星期四, 八點回到辦公室, 研究及適應新交易軟件, 去銀行.
晚上七時離開, 只是趕及高登關門前買納納雜的電腦用品.
switch 和 router 有甚麼分別, 現在大概會知.
星期五, 諸事不順.
用新帳戶, 報價成交第一宗要手動更新...
結果瀨野.
星期一若還是如此, 只能停用.
平佣, 不是好的.
舊同事又上演即日通知即日last day 的離職戲碼.
全世界都知時, 只有舊同事最後一個知.
再傻都知是上面有心, 很不尊重別人的結果.
都好的, 以後有甚麼事, 也不會用念舊情.
舊同事不知所謂, 拖泥滯水.
下午五點幾, 我回到舊公司才開始執拾.
浪費了一小時.
不是沒怒氣的...我還沒吃午飯啊...
出來後, 更緊張自己的時間用途.
很多事都很想做, 卻很忙, 很累.
所以不能做錯, 免得又再浪費時間.
本已預約的 gogovan 司機, 最後一刻說撞車來不了.
佢咁咒自己...難道還要佢繼續送貨咩.
還好, 還約到另一gogovan , 只是又浪費半小時.
東西送到辦公室, 執到九點, 舊同事才想起, 有工作還沒交接完成.
那刻, 我真的想爆粗罵人.
從知離職一刻的成個下午佢做過咩?
結果, 十時才離開辦公室.
借故, 選擇一個人搭地鐵, 給多一點自己獨處的時間.
我要透氣啊...
很累.
回家, 才有時間做這天趕出辦公室還沒做的筆記.
一點才睡.
翌日, 星期六.
早上八時許, 大姐說想問投資基本事, 結果十一時又回辦公室.
下午看舞台劇, 晚上聽演唱會.
今天呢...又去幫舊同事搬電腦.
我已忟到忍不住警告佢, 準時.
中女姐姐啊, 對不起, 我真的忙到累到, 今周沒時間追劇.
我愛你.
(vii)
6-5-2018
我前世, 係咪未見過女人呢?
吾係.
係咪未見過女人性感呢?
亦都吾係.
不是多布或少布的問題.
而是感覺.
不要扯到那麼遠, 說好多身型好的明星, 名模, 都穿得很少, 露很多.
近的, 平時街上不少青春少艾都吊帶熱褲, 又see through 超低腰露T back乜乜乜, 和著泳衣出街冇分別.
都是睇完就算...也不會怎望.
我仲細, 熱血方剛 咩.
佢肯著, 都要問我想吾想睇架.
像昨天, 只是也只能, 看到一眼, 看到她領口扣少一顆扣, 我便 wi wa 鬼叫...
唯一解釋, 便是她在自己眼中, 真的很漂亮很迷人.
可惜, 沒有多少機會看到這樣性感又美麗的畫面.
是自己這星期最開心的一刻.
(viii)
6-5-2018
昨天, 聽了梁詠琪.
優先預訂, 都俾個垃圾位我, 音響好差.
後面, 幾個麻甩佬又大聲唱和.
雖有那樣這樣的不滿意, 梁小姐的唱功也不屬出色那類.
還是挺投入.
上次演唱會, 我同佢握過手架!!!!!!
原來, 很多歌都聽過.
<短髮>, 是大學同系最漂亮的女同學, 有一天忽然剪了短髮, 對上<短髮> , 不用解釋和問, 都知佢失戀了.
那時, 我才知女人失戀係咁既樣.
灰姑娘...我自行回家沒有, 眼淚要流下...
心動.
高妹正傳.
G for girl.
我鍾意.
愛自己.
好時辰.
Today.
兩個人的幸運.
花火...更是自己熟悉的歌.
嗯, 歌者唱的時候, 自然地, 想到她.
還好嗎? 今天的妳
歲月沒改變她的美麗迷人.
雖然, 只能像陌生人般看著, 不能打擾她.
原來歲月太長 可以豐富 可以荒涼能忘掉結果 未能忘記遇上
(ix)
7-5-2018
晚上九時三吃美心魔鬼雞扒飯, 會覺得人間美味.
純粹早上八時後, 十幾個鐘沒吃過東西.
黑啡吾計啦....吾飲...除了不能提神...胃酸都應會過多.
忙於納納雜的事.
淘寶的東西, 標呎吋真的有點那個...
搞左兩個鐘要投降.
雖冇漏配件, 但漏了安裝說明書...
(幸好借地方給我的人因為做裝修, 對配件觸覺敏銳, 所以都砌得出來.)
而for 27吋芒的屏幕架... 雖係裝得芒上去...但全都要貼成平面, 不能曲囉...
邊個對眼咁勁, 可以坐下, 並排看兩排 六個 27吋 芒? 長期會有眼疾...I sure.
本來想放棄的...
不過忽然想到...上面改用24 吋咪屈到囉...我真心柒... 24 /27 吾係真係差太遠的...
人的專注力是有限.
嗯...這算不算出來闖後, 偶然的小獎勵...
本會沮喪的...但又找到辦法解決...
生活又變得有希望...心情又會變好.
------------
借地方給我的人....在見面兩三次後...
我已好肯定佢係有潔癖愛整齊的人...
是職業的天性...裝修工程....
所以, 現在我在辦公室變得小心奕奕...
你有冇見過人吃西餅會用紙巾墊住塊餅, 防止餅碎跌落地上?
好港女呀...但又好仙氣呀...
我依家會咁食野囉...
er....
你係咪好想嘔呢?
-------------
借地方給我的人連續兩日同我拍單人照.
無他, 佢想介紹佢朋友個女俾我識喎...
我做乜冇所謂?
一來, 對方條件極好.
二來, 我好忙, 也無心情搞呢啲野...
嗯...反正就是不是甚麼大不了.
你估會真係會有女有興趣見面咩...冇呀嘛...
你收到我張相的第一個反應, 都會係下面三隻字啦.
丟左佢!!!
既然冇, 受人恩惠...總不能連這小小無傷大雅的要求也拒絕.
倒頭來, 佢會覺得我份人都算隨和, 叫我做乜就做乜 , 仲好好笑容!!!!
我很有機心!!!
---------
舊公司的那間房, 我稱為雪櫃房, 因為真的好x 凍!!
現在的辦公室, 我會稱為自修室!
若不是有人講電話跟進工程進度...
那裡, 真的靜到連行路都聽到聲...好響好應....
我打工咁多年都是第一次遇到咁既工作環境.
所以...我變得更安靜....做甚麼都輕手輕腳...
沖咖啡...拌咖啡時, 我係吾會再敲到杯邊發出聲響...
Elegance 是這樣練成的...
(x)
9-5-2018
終於擺平掛顯示屏的問題.
要等到借地方給我的人放工, 我才開始拉過曬啲線.
始終佢地工作時, 不好bing ling bang lang.
佢地話吾介意, 但也不好這樣子.
將心比心, 我又不是想繼續以前的公司文化.
又一天工作14小時, 很累.
好想做運動 refresh my mind and body.
是呢...原來IB 存錢 不是一般方式...
怪不得怎也找不到銀行帳號.
希望可以用到那些data feed 功能, 未來工作便可省時得多.
不過都急不來.
明天希望可以真的出發冒險.
沒有留言:
張貼留言