21-9-2019
這星期過得不如意，巿場好像專向自己的罩門打似的，總之晦氣和沮喪。
昨天早了離開工作室，去了cwb吃渣哥，用增加工作量懲罰佢地。
之後再去韓式餐廳吃了一個牛肉鍋、六碟配菜、烤雞翅。
吃的太多吧？
嗯，因為心情不好。
不過，晚上看islt ，像看安室演唱會咁投入，換上slogan tee，帶上找了兩天的去年打卡紙，笑到、嗌到停不了，感覺很治癒，好好地發洩渲洩苦悶，很及時，所以也很少有地會在tg出聲，多謝他們。
演出真的很好看嗎？
好看，雖然因為意外的原因，自己看的場次變成首場，所以仲見到有些tech run有些生澀，但問題不大。
整晚胡鬧惹笑，但當中有感性，感受到佢地盡力逗觀眾笑的深一層關懷，識live、自己㨂的選擇，苦中要作樂。
嗯，抖埋今日，明天要再奮鬥。
(ii)
21-9-2019
今天幫家姐買電腦,
遇到個sales 廢到忍不住屌九佢, " 你吾知咪話吾知囉, 我問你dvi 轉頭平啲定買條hdmi 線 平啲, 你死都要我買dvi 線, 又扯到vga 駁頭, 做咩啫..."
好少咁好火, 但擺明耍我, 真的很勞氣.
很煩的, 若買錯線, 仲係到想耍我, 吾屌九佢, 真係當我好蝦架.
call van , 老闆明明是黃, 但司機是淺藍, 車上說不夠幾句, 便叫佢不要再講.
在姐家兩個字裝埋wifi, 滿以為走得, 點知離開後, 壞了兩次, 已重裝了一次視窗.
第二次, 我都不敢電話裡說再怎裝過, 只好明天又回去修理.-
心裡, 不是不忟憎的, 這麼簡單買電腦的事, 都一波三折, 以前都未試過, 像極近期的工作運.
苦悶, 苦悶, 在網上有點發洩 (莊X岩話好睇) 買了下星期林狗的talk 場次, 聽talk show 啫, 平平地咪算囉.
100毛的, 反而沒有興趣. 嗯, 舞台劇那次, 是打擊了入場信心.
我願意在其他消費上幫襯, 但performance 的, 則暫時不想了, 待口碑好轉才算吧.
要忍耐多久, 要做甚麼, 生活才會順利一點.
明明很簡單的事, 都弄到拖泥帶水有手尾跟.
(iii)
21-9-2019
昨看的舞台劇, 原來今天第二場又被罰錢.
可見佢地其實仲未執好啲野, 又或者明知昨晚over run 後被罰, 但仍願意頂硬上.
(入座率本已不極高, 雖未至於好差, 但我覺得deserved full house, 依家仲要被罰吾知幾多錢)
佢地的吾計較, 更讓人喜愛.
好攰架, 一日兩場over run, 仲要做呢啲要好energetic 才能帶起氣氛的戲.
找去年的打卡票時, 找到二人餐場刊, 那時的張生其實幾俊朗的, 小生格.
怎似現在的戲路變得很"佬".
但像辛偉強咁keep , 也實在不容易吧.
吾知中場休息的清潔工朱康, 會被觀眾嗌到有多少場除衫呢?
佢都好身材, 自己看的那場, 被嗌到除完外套, 面衫, 最後底衫都除埋後, 還表演震波...
氣氛好high的.
有冇一場連褲都要除埋? lol
-------
原來每場罰1650 架.
都OK, 不完美, 但可接受.
好想看多次run smooth 後的version.
https://hkac.org.hk/venue_detail/shouson
apple store 個ISLT app 雖然幾無聊, 但逗人一笑, 也見到他們很有心, 吾係淨係見到票房.
(iv)
22-9-2019
終於找到電視看, 看vogabond, 很便宜, 超巿.
李昇基原來身手幾好架喎, 裴秀智的角色, 冇上次任意依戀咁悶, 雖然人穿OL 裝, 佢穿OL裝, 穿得冇Rachel 咁有線條.
---------------
拿去整電腦的意外是, 請了姐吃飯, 算是生日飯吧.
間電腦商串串貢, 頂佢.
--------
天氣乾燥, 睡了一個午覺, 近來周末日, 總是想睡一個下午覺, 總是覺得很睏.
今星期完了三年期的健身會藉後, 沒有再續那間, phxical 好似就執笠咁.
想join 那間24 小時開放的, 咁半夜三更都可以做.
嗯, 都是想啫, 有心做先得架.
經過三年做gym, 我宣佈, 我比三年前更胖...
orz
是不是要試下偏方減肥法?
-----------
想來, 很久沒有遇見她了.
有點想看見她的樣子.
嗯, 都是偶然會想一想罷了.
要提醒自己, 可以偶然想起, 但更要有自己的生活.
所有事, 都是自己揀的.
(v)
23-9-2019
累到不想看書, 看韓劇時, 拿ISLT 個無聊app 亂篤, 也挺治癒的.
(vi)
25-9-2019
昨看了是但嗡.
在中上半山看, 感覺還不錯, 還是最貴飛覺得不值, 下面咪又係睇大電視.
看似講一大堆日常瑣事遊一輪花園後, 突然彈出一兩句punchline.
其實佢講甚麼, 代表佢關心甚麼.
吾易的, 擦邊球講時事政治.
姿態是set 得幾好, 是分享, 而不是上而下的指導教育.
不感性, 不抒情, 大概始終是男人吧, 但看得出內裡的含蓄貼地和人味.
---------
一人去看, 最怕隔離是肥人.
擠到有點逼, 開場前個肥佬仲同條肥婆selfie 不下十數次, 再擠出些, 減肥啦, 仆街.
特別是條友件衫絲質, 自己穿短袖, 擦下擦下, 感覺自己被性騷擾, 但我並不享受.
如果IU 性騷擾我...咁就吾同.
也怕隔離是弱智白痴.
"飲水機水樽和影印機道具都吾啱比例, 邊可能一樣", 向佢個肥婆太太大放廢嗡偉論, 嘈音污染.
屌佢老味.
不過, 這種演出, 沒有強國人, 倒是真的.
當然這樣子, 巿場是細了很多, 但細有細做, 都有幾百萬以上收入, 還不算太差, 總比起彭浩翔為了錢做護旗手, 來得自在坦蕩.
真的接受不了一邊sell 香港情懷, 一邊反智媚共.
佢作品, 已沒興趣看了, 不是罷, 而是覺得乏味.
以前sell 香港情懷, 就算爛, 也會體諒, 現在數還數, 沒有oscar 水準, 也真的沒必要特意捧場.
國旗吾係掛出來, 就必然要人尊重架.
係政權做過甚麼的反射嚟架.
常識嚟架.
(vii)
25-9-2019
現在炒股票的地方, 不方便講粗口.
有時, 卻很需要講粗口渲洩.
佢老味, 平日work 的strategy , 今日死都chok 穿埋自己的止蝕位, 先挾淡倉 200 幾點.
贏就冇份.
邊個叫我想贏多少少, front run 個market.
都係衰貪心.
只差一點點.
挾得淡倉, 即短期應該仲有得跌.
若今日見底, 鬼得閒挾你咩, 同你好熟呀, 逼你入巿買股票.
下午2點半那個, 又係呢排work , 就係偏偏果刻吾work.
一日兩鑊, 吾講粗口, 平衡吾到自己心理.
很少見上證 O= H , C= L.
小心無大錯.
不經不覺, 三星期前, 個癲婆發嗡瘋, 現在港股升幅差不多嘔番七八成.
我係好憎個癲婆, 一來政治問題, 二來自己是chart pattern trader, 個癲婆整咁多noise 出來, 好難做.
侵侵壇野, 照常理, 嗰班仆街邊會咁易斷正有把柄.
但係, 有理冇理, 個巿係要跌.
八連陰, 如果賭大小, expect value 50%, 輸到甩褲都似.
random 佢老母walk, 真係咪話自己大學時吾係讀垃圾, 所以大學裡, 最有用其實是讀通識.
Fed add liquidity 單野, 總覺得怪怪的.
但自己吾識, 無謂亂估了, 反正我又吾係炒幾百億美元.
-----------
忽然發現, 自己的心態比起剛出來是放鬆了, 輸錢是社會的錯, 但都頂佢個肺.
反正都仆街, 都仆慣了, 也就放鬆點吧.
最緊要不要重覆犯錯, 諗下點避免.
吾係可以點吖?
一年多時間, 自己真的進步許多.
trading system 的layout setting 都改了十幾廿次.
今天又改了一次.
其實吾止炒股, 做人都係.
cost - benefit analysis , 很功利地去分析, 對很多事也就不會失望.
自己知自己變左好多, 但沒必要, 也沒需要跟其他人說.
近來發夢, 真係發夢, 吾係示威.
醒來, 沉默呆坐, 然後跟自己說, 那很正常啦, 然後開始做野, 不敢再想太多, 或再鑽牛角尖.
(viii)
26-9-2019
最後, 還是買多場sick leave , 星期日看.
有點好奇經過這些天後, 演出會否smooth 些, 調整會如何.
怎麼不看其他的演出?
譬如讀戲 臥虎藏龍新編劇新一季, 或者年輕劇團今天出post 宣傳 "我和, 我和乜乜" (劇名吾知點咁, 有伏味, 勾起了北京乜乜, 那次演出的記憶) .
算是自私, 不想冒險.
寧願開開心心過幾小時, 好過吾知點咁樣過, 看劇名已覺得有"代溝", 說的message /topic 不會impress 到自己.
也是自己的偏見, 直覺那些編劇還是老樣子, 不看也罷, 佢地看待事物的視野 不會impress 到自己.
除非有信得過的人推薦, 免得中伏.
現在也懂看啲劇場人看後感, good show , 的意思是 = 普通普通.
等於食家在食肆要求合照, 遇上難食的, 不會在合照時笑一樣.
連交通, 排隊, 四小時, 仲要是睇埋啲很幼嫩的作品.
你一日訓幾多小時?
不得不揀擇一些.
自己也沒氣力和心機聽完讀戲/看完演出, 寫幾千過萬字去彈人.
彈完又吾會改.
反而想過去澳門看"山羊" Edward Albee , 嗯, 都是想想, 應該不會去.
曾看過導演導莊梅岩的法吻, 有板有眼, 我覺得有實力那種, 雖不驚艷, 演員陣容也有水準的.
演出的地方是工廈, 是那些年去看興趣班導師排戲時到訪過的地方.
咁多年, 我咁都記得?!
證明我很記仇.
----------
地鐵載客量下跌.
自己近來也嘗試搭巴士出門工作.
試了幾次的結果係, 寧願避開高危時間, 也搭地鐵而不搭巴士.
過海隧巴吾係人搭架.
塞車時, 二個多小時回家.
吾塞, 都個半小時.
地鐵?
40分鐘.
點可以日日搭呢? 仲要巴士上有人講電話, 就很討厭.
做到就做, 不能做的, 也就不要勉強.
(ix)
27-9-2019
哎呀, 現在才知佢上畫.
吾可以搶先睇添.
那三個男演員好似好識做戲咁.
IFC 貴過太古, the one 睇.
但值既, 坐220 分鐘喎, 坐得舒服一點係好啲.
https://www.timeout.com/london/theatre/the-lehman-trilogy-review
(x)
28-9-2019
很便宜, 千里馬, 好痴線, 幾玩得.
沒有一線明星, 但夠瘋, 騎呢, 都很有趣.
香港有冇呢啲咁痴線的漫畫改編成劇集?
vagabond 的故事, 似裴秀智後來加入軍火商女商人or eq. 的敵對組織, 變質或做臥底. 李準基就投入傭兵界追尋真相, 所以後來才有第一集開場的畫面.
看呢啲好過看新聞.
冇人會覺得奇怪, 個癲婆對話會, 個癲婆係由頭到尾都冇道歉過.
係已冇人在意佢再道吾道歉, 定係, 覺得佢吾需要道歉?
自己的理解係, 若真心想溝通交流, 在答問會上第一件事應放低姿態, 先道個歉才開始對話.
所以, 啲人話係做show 俾上面睇.
自己若得罪人, 理虧, 除非對方態度很堅決決絕, 否則見面時, 會主動再道歉.
所以我咪吾識做人囉.
--------
上星期懶熨裇衫西褲.
穿了一星期便服去工作室.
開機洗衫, 然後看電視, 看完晾衫, 才發覺洗少好多衫.
鬼咩, 覺得冇人理我, 平時工作室被六個芒包圍,冇乜人望我, office 的師奶們吾會理我.
譬如新買 sick leave 那件黑tee, 吾計上星期在劇場穿了一陣.
星期六幫家姐買電腦時穿.
星期一去工作室穿.
昨天又穿. (隔幾日, 好似曾經洗過咁, 至少有想像的空間...第二日穿就有吾洗衫的嫌疑)
但冇洗過.
好環保喔...
穿三日才洗.
係呢排天氣可以咁, 吾會點流汗.
我果然有mark zuckerberg, steve jobs 的創業基因.
著嚟著去都果件衫, 扮 reduce decision making, raise working efficiency.
雖然實際只係懶...
小時候, 得一兩件校服, 所以要天天洗完晾, 第二日穿, 仲未乾就煩了.
-----------
之前看簡介時, 看漏了是進劇場.
也漏了是潘惠森導/譯, 陳麗珠, 陳曙曦, 陳淑儀讀.
in short, 原網頁簡介好廢.
頓時感到興趣, 好彩不設劃位啫.
https://www.facebook.com/events/479314215950868/
https://www.worldfestival.gov.hk/2019/tc/ghosts.html
(xi)
29-9-2019
看sick leave again.
這次低調了很多.
完場後, 得知灣仔很混亂, 場務人員說沿港灣道離開.
自己吾知點解吾想.
出了劇場, 便見一大隊防暴警在自己眼前經過.
自己當時有點驚青, 只好繃著臉和他們擦身而過.
上了天橋, 告士打道的車輛很少, 反映情況不算好.
在橋上, 心裡忽然有了怒氣.
"屌你老母, 我去睇舞台劇啫, 犯法呀."
是老羞成怒的吶喊.
我點解自己的生活, 要俾你班仆街警影響, 不能去睇自己喜歡的演出.
我吾甘心.
來到洛克道, 酒吧仍開業, 心裡還奢望地鐵仍會開.
但再走一會, 地鐵落閘並被破壞.
來到稅務大樓的天橋下, 更發現自己原來在雙方對恃的中間位置.
空氣中殘留著仍記憶深刻的tg 氣味.
轉過身行番入洛克道, 啪一聲, 有人開槍, 只是不知是布袋還是橡膠.
自己甚麼裝備也沒有, mask 都冇, 體能又差, 是需要離開現場.
行回海旁時見到兩個黑衣人, 有想過問他們要不要買甚麼喝.
但最後還是沒有問.
那一刻, 自己感到慚愧, 思緒有點亂.
"軟弱的人問勇敢的人, 要不要買飲料."
自己當時的畫面是這樣子.
自己遇少少場面便有點驚.
他們經歷這種場面, 已過百日.
想到此, 自己是覺得shameful的.
我知會有人咁諗, "幾十歲人, 仲好似班死靚仔在八號風時去衝浪, 明知班差佬癲的, 仲去買飛今日睇劇, 陣間瀨野, on99 , 成熟啲啦".
但我亦想問, 我仲要向後退到幾時?
看著那班細路, 當時的氣氛, 我覺得, 好像能理解他們多一點.
在灣仔碼頭的紅巴, 廿蚊去旺角.
好像比平時貴好多.
記得從澳門回港, 夜晚一點由上環去旺角, 也不過是15 元.
忽然有點厭惡經濟學的elasticity.
--------------
第二次看, 亢奮的感覺已沒有第一次時般強烈.
所以, 演員是要訓練的, 場場都要咁高能量不是易事.
演出的flow 的確比第一次時看smooth 了很多, 散場時間比上一次早了少許, 也見到細微的改變.
譬如未來見合唱.
互動劇場, 真的每場是不同的, 也要看觀眾的.
自己記得的, 便有朱康在這場沒有被嗌到除曬所有衫, 連外套也沒除下, 不夠第一場那麼high 爆.
雞的動作幅度也比第一場大了好多, 跌傷應好了一點.
uplifting 部分, 這場次遇到急才好的, 便比第一次看時看好好多.
support 那段, 上台的觀眾不夠第一場那麼有故事性, 感人程度也沒那麼強烈.
master class 部分, 朱康把女參賽者飛筆錯口說成飛釘, 詐病原因不同, 也會帶來不同的效果.
謝幕時, 演員們除下口罩. 經其他觀眾提起, 才想到源於"煲底下相認"的守望.
也留意到 壞左個"制度" , 食字, 但很有意思的一幕.
形勢比人強, 會覺得他們已做得已夠多了.
自己又不是, 亦不想成為, "自己做不到, 又去指責他人不做"的誇談者.
有點遺憾, 自己作的sick leave 理由, 板男根, 叮噹, 全都落選, 還是不夠creative 或可perform 的.
前日那場, 自已雖然冇睇, 但都有投稿的" 夜晚睇電視見到黎明, 所以有jetlag , 今日仲暈暈地" , "konichiwa , 我家鄉尋日係紅日嚟架...".
自己真係個人悶左好多, 第日仲想溝女, 真係講垃圾要加把勁.
聽日last 場, 要再試試投稿.
怎都好, 謝謝他們在這困難的處境中, 仍去entertain 其他人, 鼓勵溫暖他人.
(xii)
2-10-2019
昨血腥戒嚴, 令自己處於語言的無力感, 失語的狀態.
舞台劇導演呼籲舉報面書被hacked 了的年青演員, 演技不是令人難忘, 但記得佢演過李逵.
自己估subtext 其實是"被捕了, 要立即封了面書以免被亂作罪證."
今早再search 郭姓舞劇演員的面書帳戶, 應該被封鎖了, 希望無事.
