2-9-2018
近來, 媒體報導香港泳隊選拔擬似不公事件, 開始時, 網上很多人都在罵港隊管理侚私, 變成權貴遊樂場.
後來, 隊員出來撐那位嫌疑人.
評論變本加厲, 泳豬.
金融才俊也出來抽水, 說有泳豬的朋友真好, 甚麼事都撐左先, 關門才鬧云云.
沒有人相信港隊至少按機制行事.
然後, 港隊列出了證據.
然後, 罵港隊的人完全不再出聲, 日子如常.
但是, 曾被罵/受委屈的那些人呢? 只能吞了佢.
曾作指控的人呢?
這個 loop 很讓人窒息, 很多社會事件都是這樣.
社會有很多怨氣, 權貴有權濫用, 讓人神經過敏.
也有很多人, 在事情未清楚前, 不是罵, 便是抽水, 就是不會有很多人想了解成件事先作判斷.
是為發洩, 是為刷存在感, KOL, 是對社會的不信任.
機場前高層嫌前高官涉貪的新聞, 也是朝著這個 loop發展.
政府女高層個老公炒樓贏咁多, 佢當然對婚外情隻眼開隻眼閉.
好難聽.
(ii)
2-9-2018
近來有聽謝安琪的"一個女人和浴室".
詞寫得很有生活感.
是寫失婚的人過了低谷後的日子.
自在又有點忐忑.
原來非因 孤單 顯得淒涼 而是裝快樂 有點牽強
(iii)
2-9-2018
本來昨天打算去中央圖書館借閱劇本.
只是完場時間比預期遲了, 心想2小時未必看得完60頁劇本.
吾知看完了, 入場時又會不會有驚喜呢?
(iv)
2-9-2018
近來逛了太古城, 銅鑼灣, 好些快速連鎖便服店.
很詭異....
好難找到 XL 碼.
我諗, 我真係好肥...
(v)
2-9-2018
想來, 現在已九月了, 又快過一年.
一年之始時, 我的目標, 又完成多少?
拿...今年我精左...
絕對, 寫得出做得到.
因為...
我根本冇寫.
不過呢, 今年是自己人生很大的轉變就是.
雖不知是新生定仆街收場.
怎都好, 正撚樣啲, 揀些 anytime 都對的事來做基本盤, 將來怎都會用得著..
譬如做運動啦...
我今個星期六日都有做運動架...雖然成日落雨
還在嘗試培養成早上做一點熱身的習慣, 反正成日都無啦啦眼光光四點半, 五點醒.
譬如閱讀都係啦, open your mind 總是對的.
方才便買了這本書來讀, 反正現在搭車時間比以前長, 上網又要data, 孤寒的我吾想成日爆plan. 俾錢買額外的data , 不如買本書睇好過啦...呢個係人都知, 但要做就下決心.
本書, 圖書館係有, 但成村人預約囉...
我吾鍾意俾人催睇書, 我睇得慢.
始終不是十八廿二果時, 可以為了搵食一星期讀一本書兼寫埋商業書評.
話時話, 在面書上, 真係冇乜人share 佢地讀乜書.
個個中女港女都係睇埋啲言情小說咁既款.
老公...我好熱.
生猛老公我怕怕.
過期老公再回收.
(vi)
3-9-2018
有多久沒有來教堂呢?
忘了, 雖然其實應不是很久.
現在才發現, 教堂有燈光時, 挺靚的.
往昔, 來教堂很多時候, 都是情緒波動的日子.
今天, 卻是平靜平和.
為甚麼來呢?
朋友今天說起, 現在日本威士忌炒到痴線.
譬如幾年前, 我買的余巿10年, 千二元, 現在卻要近3700元.
貴到喝不起, 也捨不得喝.
由此回想到,一些舊事, 譬如當時網購威士忌.
那段常來教堂坐的日子, 是食檸檬後, 緊接被網絡公審羞辱.
情緒極躁底, 很容易一點就爆, 好容易燒著他人.
所以, 忽然想收巿後, 再來教堂坐坐.
曾想過, 說過的, 不會再來的.
當時情緒化地覺得, 向好, 做一個良善的人好辛苦, 怎做都被標籤, 類似近來坐響到基本冇出過聲, 都被指溝女的委屈事.
現在, 我當然不是好人, 但也算不上是極壞, 心地勁差的人.
除了少數在乎的人外, 不再理會其他人眼光, 只是嫌煩. 我理得佢地死呀.
坐在教堂是寧靜的.
祈禱時我在想, 我近來都有向工作室的關公, 土地, 財神打招呼...
條數點計呢?
我也會想, 現在麻煩未停過的事, 其實不比幾年前少.
內心, 卻平靜寧靜得多.
一來, 變得比以前堅強了.
二來, 現在的處境, 就是只能繼續向前走下去.
就是如此, 非得如此.
當然, 仍會感到不安彷徨焦慮.
但既然如此, 前路亦已相對清晰.
盡做.
其他, 正如真正正牌的教徒話齋, 由神明決定, 不要多想了.
我祈求, 自己變得更加堅毅堅強, 有自信.
我祈求, 家人朋友, 身體健康, 平安.
我祈求, S 身體健康, 幸幸福福, 開開心心.
走出教堂時, 感覺輕盈不少.
有空, 真的要多些去教堂坐坐.
(vii)
3-9-2018
感覺就似和朴敏英二人世界, 撐枱腳一樣...
我的FF 好瘋狂...lol
--------------
我 "老婆" 咩事, 著成咁...俾人睇蝕曬.
咁我又俾 like?
如果, 我以前鍾意的人都著成咁, 我又有咁啱見到...
我一定噴鼻血...
(viii)
4-9-2018
今天看到的.
並不是想說垃圾話, 譬如, 自己都有點似張生.
雖然, 她和袁小姐, 都是屬於香港美好年代的港姐冠軍級漂亮女子, 也在同一天生日.
不知道, 是她年紀長些, 還是袁小姐長些, 以至是同齡.
我不知道她的年齡, 只曾從一些瑣事片段去猜過, 她應比我大六七年.
我只想說, 那一刻捐錢的出發點和心情, 其實張先生差不多, 都希望/祈願對方很好.
很純粹的想法.
也有不少人會這樣捐錢為在意的人慶生.
我只是做一件很普通平凡的事.
雖然, 真的不敢讓她知道, 以免造成騷擾, 惹她不快.
她已忘記自己了, 也不好發短訊說聲生日快樂, 雖然的確有點想做.
尊重曾經喜歡的人的意願.
是現在我已學懂的事.
(ix)
5-9-2018
拿獎係咪真係好睇架?
當你沉睡時, 我嫌悶沒有追下去喎...
我麻麻Suey 啫...
咁呢個我都吾否認, 畢竟我自詡為一枚中女控.
李寶英原來有BB...但都高貴大方, 但我冇追Mother.
我"老婆" 原來拿獎, 吾怪得咁暴露...
佢若將來同我結婚?! , 咪在家全裸乜都吾著?
同我結婚會好幸福啊...我咁錫佢...
發夢啦你...
三流之路OK? 星期六早上試看先.
(x)
5-9-2018
大阪風災.
新聞說, 大概有一段時間, 都不方便旅遊, 也有好些景點受損.
和很多香港人一樣, 自己挺喜歡去京都大阪.
以前去旅行不算多, 但都去過兩次.
所以挺有感情的, 特別是曾在那裡分別因為兩個人, 寄存了感情上深刻的失意.
若有錢, 日本其實很適合自己居住獨居.
我愛搭地鐵不准說話的安靜, 交通工具準時, 一人吃飯的方便和多選擇.
身在異國, 不用說話, 不用被歧視溝不到女, 也不用好似有得揀的選舉投票.
所以, 總之要有錢.
(xi)
5-9-2018
發覺, 自己的mental toughness 真的比以前有進步.
出來闖後, 日日對住呢啲衰到冇朋友的巿.
挫折成磨厲.
越發覺得, 自己想走的path 越來越寂寥.
越來越孤獨.
還好, 可以在這裡寫字透氣傾吐.
艱險我奮進.
嗯, 我扮到自己是新亞人, 雖然從沒讀過中大.
沒有留言:
張貼留言