8-9-2018
昨天在看劇前, 和朋友一起搭一會地鐵敍舊.
若不趁地鐵從cwb to tko 聊天, 大概會很難見一次, 談上一會.
我算有心的, 從太古搭到cwb才去tkb, 只為聊多幾個站.
畢竟, 佢已婚, 也有一個小孩, 最近又懷孕.
給了早前買落的hocc 碟, 換來的是一盒月餅.
盒罐換了新裝.
聽佢提起, 才想到, 已識了十年.
兩年後的佢, 打算回澳洲生活.
佢話, 佢都開始見白頭髮.
做人阿媽真係老多十年.
未來要多找佢搭地鐵.
(ii)
8-9-2018
最近幾日醒來, 有時候會撫摸床邊、面向牆壁只有自己知道的屏幕後便條.
便條其實已貼了一兩年, 若剝落了, 便會貼過另一張.
提醒自己要接受的一個事實.
雖然, 想念她.
(iii)
8-9-2018
看看音樂app的已加入歌單, 發覺自己越來越多韓文歌.
所以...
韓妹遲早會愛上我.
陽光先生好幾首OST 幾好聽的.
最緊要, 是聽感覺, 不用知佢唱乜.
近來加入的.
balance, my home , just stay, sori, day without tears...
很早期加入的, 想來, 以前的自己, 應有很多遺憾的情緒.
現在, 除了感情事(試嚟都無用) , 其他的, 嘗試去做就是, 不需遺憾.
(iv)
8-9-2018
朴敏英, 就是靚.
女人長髮若是這樣子, 其實幾吸引, 但要吹頭吹成咁, 應該都吾容易.
但係, 睇韓劇教我, 好似高愛信的頭髮, 要俾壞壞的浪人咁切斷, 咁先會令那個女人記住.
搵日, 我去睇舞台劇時,見到靚女, 都用把鉸剪咁剪左佢啲頭髮先.
條女可以吾愛我, 但要記住我, 恨我...
嗯, 我都有啲變態, 為了想吸引心儀的女子的注意.
嗯, 都係講啫...我除了修眉, 開公仔麵包裝之類, 都吾會用鉸剪.
(v)
9-9-2018
因為準備訂短暫的婚姻, 才查閱 在 the club有多少積分.
吾知佢地想掂, 網頁版是查吾到, 一定要下載app.
灰...得1300分... 參照其他節目的兌換表...冇得換免費票啊...
我又約吾到中女港女看劇...都吾夠分俾.
(vi)
9-9-2018
近來, 某電視真人騷節目導師衝口問學員的性取向, 以為風趣惹笑, 結果是燒著了同志社群.
其他吃花生的人, 譬如那位港姐冠軍前男友 (那條女的人生污點啊...) 也加把口, 說異性戀也會有類似的說話.
都是林奕華的分析說得好, 雖然, 自己其實不耐煩佢的邏輯推進.
簡單點說, 我是睇吾明林生寫的, 也沒心機睇完...
但卻知道林生的說話是經過思考, 心平氣和的討論.
其實呢...俾我扮下野, 扮一下智者...世事都讓我看透了...
成件事, 說到底, 都是告訴我們,
邊鬼個沒私底下口賤, 講人是非, 閒話, 講埋啲政治/道德不正確?
人人心裡都住左一隻口賤精.
怎都好, 每個人要在合適的時候, 合適的地方( closed/ public environment, with/without recording) , 合適的對象(friends /strangers, how well you know the audience), 說合適的題材和用合適的表達.
若再把眼光看遠一點, 我地的社會根本就係咁架啦...
成班高官個個把口賤, 又幾時真心道歉? 最後咪又係算 9 數.
人們都沒有意識怎樣在多元的社會裡, 得體地說話.
都是香港社會的錯.
所以,
我是智障...
講咁多人人都知/但改變不了既野.
(vii)
9-9-2018
今次又衰左, 忘記了下星期五要看唐吉.
所以, 也去看賣飛情況.
好衰喎, 中秋節果場...換果場應該OK 卦?
--------------
頂呀...24/ 9 成堆空櫈都吾肯換俾我...
吾換飛, 都吾等於可以令我再買飛入場.
我知, 換票是人情, 吾換是道理.
但呢啲, 係扮曬野, 對人, 尤其係對中女港女講架咋, 扮文明有風度, 而吾係講緊自己果時吖!!!
我是醜陋的香港人呀...
我的飛, 係可以換票改時間, 先係合理架!!!
一張票, 430 蚊就可以識穿我虛偽的真面目.
但, 真係好少見, 劇團有空位, 仲要有一場成五六行空櫈, 都吾肯換票囉.
下次, 見到這個劇團, 都係吾好咁早買飛.
送吾到俾人, 就真係變廢紙.
灰....
呢個時候, 我又諗起朋友多的重要性.
我幾現實呀...
--------------
講番正經, 換吾到飛, 係有點無癮, 仲要送俾人, 蝕埋郵資信封....
但又未至於火滾, 上去割櫈page到鏟三鏟四咁...
好小事啫...睇吾到咪算囉...
現在日日好多野忙和兼顧, 呢啲野要嘈嘈閉, 好得閒呀.
到有人話好睇, 我轉頭又去買過飛囉.
(viii)
9-9-2018
想來, 如果剪左條女啲頭髮, 然後佢用自己的手帕繫好, 我會幾buy 架喎.
都係得個諗字,劇場邊有咁多靚女, 當中有靚女啲頭髮會想剪呀...
咁多年, 咪得一個女人.
我又夠膽剪咩.
唉...
韓劇學到的東西, 現實苦無用武之地.
譬如呢, 我好想咁同一個女人講野.
" 愛信, 你, 臉上有啲野..."
愛信好自然地摸佢塊臉.
然後, 我就會話:
"有啲野, 就係 '美麗'. 你的臉就是美麗動人..."
我好想咁樣冧女...
唉...
或者咁樣試下都好呀...
"愛信呀, 你平時鍾意食肉多啲, 定食菜多啲?"
"兩樣都食..."
"但係, 我見到你之後, 吾想再食肉, 只想食素..."
"吓..."
"因為...你是我的菜..."
(ix)
9-9-2018
今天whatsapp 歌迷群組響過不停.
是偶像今天有演出.
我沒有買票去聽, 一來是星期日晚, 盡量不想去夜街, 二來, 只唱一首要俾幾百蚊買票.
不是自己現在會想這樣消費的事.
電視有得播喎...
我好耐冇睇TBB 啦...
不是不愛, 只是...
對要投入很深心血的野, 會有一種怠倦.
至少, 近來如是.
--------
也在打算訂埋今年的本地財經新聞, 便停訂.
不是省錢, 而是真的覺得no value, 本地的財經報道.
中環中心拆售車位的報道, 都顯眼過阿根廷, 印尼, 希臘, 委內瑞拉...
講即時, 又及不上內地的財經app.
例如上星期728, 762 收巿前的傳聞...便報導差過內地app.
重點是, 佢地忽略了是由外媒報道, 呢個重點.
大佬, 你當內地班狼胎傻架, 點會最後一個知, 真係出口轉內銷咁炒呀...
內地資金炒高後, 才有報道, 是現在的常態呀...得閒炒下股票啦.
當然啦, 現在728 的走勢, 的確係似有啲野會發生, 應回不回.
但咩事吾知.
更不要提"立場", 不時推 bitcoin 吹捧者的文章, 助長騙案.
說起新聞, 近來鬧得洋洋沸沸的NYT.
看網上的專題, 發行人爺孫都是猛人, 是很夠薑為了捍衛新聞自由跟政府開拖.
不知, 今次個孫會不會如爺爺般, 堅持到最後, 又搏到英名.
換了是我, 若要訂閱, 訂這些都舒服些, 訂的是風骨.
講到我好正經咁.
但, 若有得揀, 我會想知, 點樣呃到1.8 億囉.
忽然覺得, 以前喜歡過的人, 她們現在結婚的結婚, 生仔的生仔, 拍拖的拍拖...
其實幾好...
我吾係咁想她們見報, 原因會是被"工程師" 騙過億.
我信, 她們全都是富婆嚟架.
中女, 又靚, 身材又好, 又有錢...
我點會吾鍾意吖....
(x)
10-9-2018
又到星期一.
我每一天都要進步.
近來讀那本書, Principles, 啟發的新意思其實不算多, 不少書都說過.
只是順著作者書寫的思維筆觸, 卻會有一種昇華了的冷靜, 去看待世事及問題.
也大概知道Ray Dalio 是怎樣的人.
嗯, 你也加油, 辛苦了, 做得好.
祝好.
沒有留言:
張貼留言