Voyage 53

(i)

11-9-2018

那張劇票, 真係冷清到送俾人, 人地都吾想要的地步.

算啦.

我諗, 我應該主動問以前喜歡過的人, 想不想看.

實踐一下, 愛的背面就是恨.

擺明靠害...

害到在劇場內悶到訓著左.



講啫...我邊做得出....



正如報紙話虐打同居女朋友的新聞...

我支持架, 女人若吾聽話, 就要郁手打, 打到肯聽話為止.

都係講啫.



況且...打人嗰個係女人, 吾係男人囉...

即係...

當女人吾聽話時, 男人就要俾女人打, 被打到那個女人會聽你話為止.

我吾打女人架.


-----------

訂了十一月底在台北的住宿.

今次揀了近北門的酒店.

看地圖, 直接從台北車站行過去都應可以的樣子.

上次住那間不好嗎? 附近有餐廳食肆, 都挺方便的.

純粹不想重複, 也想試不同的酒店.

當然啦, 你俾錢我, 咁我又,吾介意次次來台北住 四季/文華東方.


發夢啦... 邊個會俾錢我住四季文華東方?


----------

近日, 舊上司whatsapp 問近況如何.

與大巿同步.

(吾識投資的你, 可以看下恒指圖)

( 當然, 跌幅冇恒指咁多... 但咁樣跑贏恒有乜好高興呢...)

講得俾佢聽, 跟住呢..舊公司同事/老闆呀...就會知了.


呢啲, 我吾介意俾人唱...

反會覺得可以減少好多麻煩.


知道自己在make progress 就可以.

說到底, 都是一個人的戰爭.


-----------------

有沒有在臨訓先, 打坐放空冥想的習慣?

偶然...

不過, 忽然想回復這個習慣.



(ii)

12-9-2018

早上五點幾醒來, 有點涼意.

是入秋, 還是颱風將至的緣故?

記得添衣, 還有, 帶備雨傘.


嗯, 我有點瘋, 對空氣叮囑.


(iii)

12-9-2018

出了短暫的婚姻的訂購方法資料.

心情有點矛盾.

商業機構搞的舞台劇, 票價真的很不親民.

譬如英皇, 也有今次.


佢地的劇票票價是貼近外地到訪劇團的價錢看齊.

外國劇團雖要俾酒店機票, 演員眾多, 但巡演百場計, fixed cost 分攤不少.

本地商業化劇團則受限於場次不多, 搵大牌明星演, 真的很貴.


忽然也會想, 風車草/ projectroundabout 那些劇團, 都是沒資助, 為甚麼票價不算特別貴?

牟利程度的分別?


(iv)

14-9-2018

累到臉色慘白的一周.

無啦啦又話中美談判挾爆, 要追貨, 但又要驚條冚家鏟 在 twitter 玩野 的日子.

又驚又要做.

好緊張, 因為好難得有向上的波動.

做淡好難架...人性是買上不買落.

淡巿做撈底捉轉角點...要看到好緊, 好累.

試過判斷錯, 手痕做錯, 檢討修正, 改善

時間和機會不多, 心在趕, 但行為卻更要紀律.


但看到今個月終於暫時吾使再輸, 還是感恩的.

當連續幾個月仆街的時候.

以前覺得冇乜特別的事, 現在卻會珍惜.



吾仆街過,  都吾逼到自己改變.

未來, 真係吾知會點...

畢竟會有手痕, 再向壞的可能.

仲未到月底埋單計數...

過左月底又點啫...


但會覺得, 若重來這數個月的仆街巿況多一次, 自己一定應對得更好.

至少對閒雜無謂事, 會更堅決地拒絕.


當然, 不是白痴到以為升兩日就說熊巿完 (其實, 我吾理牛熊巿說法, 咩跌多過兩成就熊, 250天線穿就熊...用來吹水一流, 但關你咩事啫, 早人一步買多人搶住買果隻, 你買果隻升咪得囉, 咁叻, 買曬二千幾隻港股大包圍呀笨...)

下周要再進步, 慢慢到做到真正能獨立.

也要再檢討生活作息,  騰出更多flexibility 出來, 應對突發.

譬如, 好想回家後睡半小時, 然後才開始美股的鑽研.

但怎都搵吾到那半小時出來.


(v)

14-9-2018

炒膠紙由15蚊炒到54蚊.

呢首歌其實都幾應景.

https://www.youtube.com/watch?v=ZkA7KAwZwQI


(vi)

14-9-2018

其實打風前, 係咪應該趕住去食壽司更好呢.

好過炒炒吾起的iphone, 或炒到辛苦, absolute reward得幾十蚊的膠紙.



打風, 令商業活動停頓...

空運魚生果啲, 到左香港又賣吾出/賣吾曬.

變左隔夜貨...

又吾係間間壽司舖的雪櫃夠勁/  師傅捨得吾要...

高級壽司店應該貴, 除了食材檔次, 師傅手藝, 也包括食材處理的配套/耗損比例.



打風後的幾日 , 最穩陣係食老麥,  或者西餐廳食奄列果啲囉.

總之食材和新鮮高度關連的...吾好在打風後幾日食.



咩牡牡蠣拉麵果啲, 打完風後幾日內, 會瀨曬野的.


(vii)

16-9-2018

睇相...呃得人... 其實吾好食.



煮一次飯, 累到死.

昨早趕在打風前執完房後, 去了超巿.

當然, 我有買杯麵呀, 公仔點心啦...


但都有買塊牛扒, 蒸魚package, 打算煮飯, 當兩餐.

好厭架, 連續幾餐杯麵公仔麵.


過程...都係果啲...

煎牛扒, 彈油!!!! 搶火!!!!!   輕微熨到隻手...

條魚吾熟!!!!  要蒸多次...但點整條魚都吾好食...應該吾新鮮.


洗碗煩囉!!! 兩個煲, 幾隻碟....etc


搞完一大輪, 成個半鐘,  飲埋杯橙汁就眼訓.


下次都係食公仔點心算...

手剁半肥瘦鮮豬肉雲吞...聽到都想食.

這些機會...





今朝先睇韓劇.

打風, 應該去旅行避開.

譬如, 呃條中女港女話去日本一定要夫婦同行,  哄佢戴上結婚戒指.

靚女, 你想吾想去東京呀? 想, 就同我結婚啦...



所以, 呢個其實係日本旅遊廣告嚟架...表面上愛韓, 實際上哈日.

想結婚, 想和愛信成為夫婦, 去日本啦!!!



唉...壞壞的浪人死梗....唉...


好多人追延禧...

我睇吾睇好呢?


----------

微波爐叮了隔夜飯菜後...

我話件事俾你知呀...

條魚現在先至熟!?

所以我腸胃好...

我尋日食魚生!!! 皖魚魚生喎...吾切片喎!!



半塊牛扒好乾....牛肉乾....叮到呢...


(viii)

16-9-2018

螢對壞壞的浪人的背叛, 是對定是錯呢?

壞壞的浪人對螢的憐, 來自佢令佢想起亡母的遭遇.


女人爭取幸福, 女人的妒忌...

唉...局外人當然說不對, 局中人呢?



螢最後的結局, 多半是餓死, 而不是做藝妓.

誰會想走回當初未曾遇見壞壞的浪人前, 險些淪為娼妓的路?

曾遇見過最好的人, 曾是憧憬中最好的未來, 又怎會輕易再去接受不怎樣的人生?

可以說是執迷不悔, 但卻是人性.

幸運的, 可以化為動力, 把自己變得更好, 世界更寛闊,  找到比最好的更加好.

當然, 這應該會是少數.




Love, 真的很難啊.


你會願意跟我一起試嗎?

看電視, 跟住講, 就好有趣, 現實裡, 跌得頭破腳損的卻多得很.


(ix)

16-9-2018

面書有些人在玩平安alert.

不知道, 她平安嗎?

應該沒事的.

希望風球快些除下.

一切回復正常.

不是在想炒股.

而是想到, 若仍掛八九十號,  好些人仍要番工.

受欺壓的一群固然要, 那些高薪的金融人, 也應該不少.

香港吾開巿啫, 外圍乜都開啊.

收得人工高, 就是這時候顯出身價.

你估人人都係最高的大大老闆級, 只需出來公關, 我話OK就OK...真係吾OK就拍拍屁股走人咩.



乜都跌得落街的風球...若仍要上班, 是很危險.

所以, 也有些金融人會揀公司附近果頭住, 譬如ICC番工, 就住九龍站.

大概是企業文化和個人要求的危機意識.

有乜事, 都可以行路上班.


怎都好, 看情況, 記得明早五點半起床準時上班.

是時候準備了.


(x)

16-9-2018

吃了叮叮潮州粉果八顆.

若稍後不肚餓, 應該是今晚的晚餐.

舒淇麵都懶煮?

冇...

廚房抽氣扇食正風位...被吹爆左跌落嚟...

廚房少少入水啫...又未到水浸.

咁...除了冚住個爐...

又真係冇乜好做.


(xi)

16-9-2018

如果, 啲女整容, 整完似我的ID 那個女主角...

都吾係咁值得整咋喎...雖然都靚, 但未去到驚艷那類別.

青春學生劇, 我都係吾追看, 畢竟心境上我已過左好耐, 投入吾到.



整容整到金秘書咁就OK 好多.

朴敏英就真係整過.

樣子甜美, 愛笑, 身材好, 著短裙更好.


呢啲景色, 中環先可能有.

太古, 係人間地獄, 朝早老麥大部分囡囡都係阿婆.

成個晨早老人聯誼中心咁.



當然啦, 站在我的立場,  我以前喜歡的女子最應該成為整容模板.

吾係發姣乜野,  真係講客觀事實,  她真係好靚.

跟她的樣子去整容,  演員可以去演 "雖然 47但仍16", 外表好有說服力,

至少模板真身本人係啦.

跟住劇接劇, 演 '經常請吃飯的漂亮妹妹'.


---------

voice 2 多人講...

也不似爛劇...

但係好難有mood 去睇...

因為會搞到個人會緊張...


陽光就嚟播完, 仲有乜電視好睇?




(xii)

16-9-2018

打風沒去做gym.

總覺得變得有點懶洋洋.

用瑜伽筒壓過背脊, 後腰, 小腿, 大腿前後...

痛到我外婆姓乜都會記得番.

佢姓梅.

咩名吾記得, 但很書香世家就是了.

嫁左俾外公, 浪費了.

不過那時的世道...唉...


--------


有沒有看過毛記那個毛台劇的trailer?

很小人國feel.

對白的位, 節奏都似.


我大概, 估到演出型式.


------------

留意到有套在麥高利小劇場演的舞台劇有關搏坐監, 以入住歐洲最自由的監獄.

那三個創作演員, 佢地往績都挺欣賞的, 是有心做演員.

題材挺有趣, 但編劇得吾得架, 那條友成日掛住玩野架喎, 搞到我有點怕左佢, 想睇定啲先買飛.

網上有人話好睇,  到時睇到就買, 睇吾到就算.


等死研究所, 胎story 這些創作, 雖不是一個好編劇作品, 甚至不能說完整,

但至少我知道佢地有心想和觀眾溝通.

但偏向掛住玩野的作品, 我做乜要坐響到睇你玩啫, 你又吾係諗住借劇本和我溝通說話.



怎都好, 聽日訂左短暫的婚姻先.