還好嗎？ 今天的妳

素顏淡妝還是很漂亮迷人。

神采飛揚。

她的男伴換了，斯文成熟穩重可靠。



都是不要多事。

她很好，便好。



總有一個人，看見的瞬間，臉頰自然地發燙。

Sent from my iPhone

Voyage 29

(i)

17-3-2018

剛過去的周三晚看了好日子。編劇和最後晚餐及最後作孽是同一人，見到他仍選擇家庭問題黑暗面為主題，寫作手法也是相近，形成了他本身的創作風格。

成績比起作孽好得多，比較像晚餐，會見到編劇的寫作手法仍是剝洋葱般，透過語言用詞及對白，為劇情提供伏線和推進。譬如大女在二女出閣前一晚才給二女禮物，也聽到大女對妹夫的背景所知不詳，本身是很odds的，但由此製造懸疑。

二女其後曾罵父母是白痴、禽獸，便在提示佢內心對父母的感覺，這個家庭的陰暗來自何處。

我一聽到佢罵禽獸，其實已估到佢老豆曾經性侵女兒，而大女知老公搞援交少女反應比叫熟女為大，更把真相九成九提示出來，並是二人想盡快離家的原因。

大女老公出場時提到陪丈人飲酒，並提到枝酒怪怪地，也為最後一幕提供伏線。


故事在言語設下的伏線逐步推進，令演員也較容易掌握，角色也變得較立體，不是時下一些新編劇搞gag、爆金句，有理冇理整段形體動作就當有戲。

若晚餐的水平已夠拿獎，好日子也該至少有提名，我不是話佢攞硬；拿不拿獎則睇今年的水平了。

不是說劇本非常好，也是有瑕疵的，譬如爆出性侵真相後，劇力是跌了落去，老母出房再拎錢回來期間，到知道老公飲假酒出事，情況更為明顯，好似有差咁啲野的感覺，energy level 應該好高而不是flat的。疑中留情，大概導演也有改善的地方。

大女24 歲嫁，二女22歲嫁，大女為甚麼會挨到24歲才離到家? 這也是其中個問號。

黃小姐也該有女配角提名，有一種壓抑內歛感，當然不是我心中最好的樣子，最好是做到外弛內張，但都已夠有提名，雖未必攞硬。佢的服裝冇乜野咁，但長袖衫+  裙褲定褲裙?!，則提示她對身體的自我保護，冇乜野但其實恰當。

郭小姐演到戲和對白的表面，有年輕的活潑和外在的忿怒，但自己比較想見多一點不經意的沉痛。

文小姐相對比較失色，大概劇本在這方面也可以再執一執。

舞台上沒衣櫃，其實有點怪。

有人說，間房裡面開六國大封相，出面怎不會聽不到? 大概如二女開場提到，吵鬧是這個家的常態，所以嘈是不會有其他人理會。

忘了那裡看過有關家暴，好像是日劇"掟上今日子"，老公日日毆打老婆，嘈到拆天，到真係出事時，啲人還是會把這些聲音常作背景音樂，就像鄰居的狗在吠一樣。

最後一幕，拿枕頭已夠，不用弄到成地血水，留白會有趣一點，畢竟已有伏線預告枕頭作用。

--------

周四晚, 看了美國獨立宣言之幸福大作戰.

是開場後, 十分鐘已想放棄的演出.

最重要的理由是, 它不是自己杯茶.

吾知你明吾明,  我吾鍾意睇些刻意惡搞的演出, 例如低俗伴郎團, 今晚搞乜鬼習作,  玩爛, 玩GAG. 除了我份人很悶, 自己也不熟那些惡搞的出處, 不懂笑.

演出的可分為上下半截, 上半截, 除酒吧老闆演員外一班人在自白生活, 家庭, 理想的對白, 沒交流.

除了忽然打架和吐口水. (我知, 其實演員在commenting 剛說出的對白吖嘛...)

係好plain and straight forward.

下半截, 除酒吧老闆演員在旁述式講佢的創作故事, 試途用跳舞團感動巴格達交戰雙方, 是有對白外, 其餘所有人都是只有動作.....

我覺得冇戲可言, 好像中學生話劇.


整個演出都很多時間都以紅牛的GAG 為貫穿,  像植入式廣告. 若要解讀, 可以講資本主義, 資源怎影響藝術創作...藝術創作之艱辛....云云.

一句到尾, 佢地講的野其實不新鮮,  而演出的form 不是自己杯茶, 不能impress，我只感到文化隔閡, 也沒心機睇.

同學看其他場次, 有些觀眾中途離場.

嗯, 我都想, 只是坐中間, 不好中場起身搞到其他人.


(ii)

昨晚檢討自己近數月的交易表現.

因為炒炒下被人搞的機會成本/realized loss 其實不少, 都有五位數以上.

好炒的冇時間炒, 吾好炒的試下炒, 成績是差一大截的.

也比較若果轉去 IB, 每月便已可以省幾成交易開支.

越講越想即刻起身添.

我都想不斷進步的.



也在計算, 如果不出去租豆丁office 自用,  直接搬出來住,  "一樓一炒",  又會差多少.

跟住又要計每月最min 開支要多少, 一日兩包公仔麵都要幾蚊啦..


幾多野要煩, 而死線是那個牌照開接受申請.

公司裡比較熟和信得過的都知我不是發晦氣, 到時我真係吾走吾得.

作計劃書, 最理想只搞一個月(其實冇可能, 我乜都吾識, 亦冇人識) , 大概監管兩個月之後要求補交文件, 咁既垃圾點會有得交, 又係到拖, 搏人地買佢怕,  書信往來, 月頭去, 月尾收回信, 個個月咁搞搞大半年, 到人地吾想應該酬, last min 死死死真係交, 結果有齊文件, 人地才開始受理申請.

咁就至少一年, 吾使做自己野, 真係冇飯開.

仲未計接受申請後, 更多的麻煩野呢....冇得拆架.


上頭係吾會多謝我, 而到最後改變主意, 吾申請, 我所做過的, 就咁抺左去冇發生過.

我有冇諗過拖埋其他人落水, 吾使一個人做曬?

鬼咩...個個一聽即閃...


我的年紀去轉工轉行其實已不容易, 但寧願咁死得轟烈一點, 好過窩囊廢.

就係咁囉.



不過, 即使冇呢次將會殺理身的麻煩野.

我其實想要咩呢?

這個才是提問和行動的核心.

吓吓有麻煩野, 就跳船咩.


(iii)

17-3-2018

上月放完長假回來, 今天才比較認真做運動, 舉重, 跑步.

其實, 我肥左幾多?

甭提了.


(iv)

沒有看過編劇的作品.

不過佢的前作漁港系列...

well...

不抱期望.

近來的作品, 即第三部曲, 俾人彈呢...

我啲同學都彈...

導演都救吾到...


純粹劇團有演出, 夾到時間例行去看罷了.

但要挾都吾易, 周六去澳門, 周日睇Evita, 撞時間撞到應.

(v)

18-3-2018

今早看了逆權公民.

不是催情, 又不算血腥, 但卻看得揪心難過, 胃有點不適, 但還是把電影看完.

逆權公民, 若把電影名再修改, 可改成逆權良知.

英文戲名, 1987: When the Day Comes , 雖含蓄得多, 但角度卻更寛大.

今次和上兩次逆權大狀, 逆權司機不同, 沒有明顯的主角, 焦點放在不同的人身上.

有堅持法律程序的律師, 有向記者講出虐殺真相的醫生, 有外冷內熱的獄長, 有愛惜甥女的獄卒,  有幫助大學生和少女逃避追打的女店主....以至一眾追求真相的記者.

他們都不像政治領袖人物般, 企得前, 企得硬, 他們不會亦不敢硬碰硬, 亦有私心利益的底線(工作飯碗, 賣鞋的成本) , 但就是他們一點兒踩界的幫助, 才成就了抗衡的力量來源.

這不是一般人對民主自由的寫照嗎?

不敢企得太前, 企得太硬, 但若可以, 還是願意給予一點微小善意的幫助.

例如, 捐錢.

電影裡提及天主教領袖在事件中的影響力.

聯想到內地和梵蒂岡蘊釀的主教任命權談判, 不禁唏噓.

看看本地有政協函頭的宗教人士是甚麼貨式,  怎會看好內地委任的宗教領袖會有堅持良知勇氣?

現在,  說到底, 對內地最無望和擔心的, 不是誰掌權, 誰被委任為宗教領袖,  而是逐漸消失和扭曲的良知, 不分是非和冷漠.

那就真的失去希望.


嗯, 又想起這些句子, 我們大多數也是塵土.

如果天空是黑暗的，那就摸黑生存； 如果發出聲音是危險的，那就保持沉默； 如果自覺無力發光的，那就蜷伏於牆角。 但不要習慣了黑暗就為黑暗辯護； 不要為自己的苟且而得意； 不要嘲諷那些比自己更勇敢熱情的人們。 我們可以卑微如塵土，不可扭曲如蛆蟲。

(vi)

18-3-2018

劇本寫得一般，又或者自己的「熔點」比較高，是有散亂淩碎的感覺，不夠有力，特別是蝦頭地產經紀一段，有點悶。

寫不到散場後才看場刊時才知編劇想寫的訊息。

這不是單元式演出問題，俄羅斯平民風景雖也是單元式，感覺仍很緊密，也與這劇團單元式前作相比遜色。

最愛邵美君在蕃茄樹一段，她在沒對白下的反應，喜哀驚訝，也唱得最好聽。

黃呈欣的戲份和服裝很有佢本身的演出風格，佢戴左bra後，感覺係挺啲 (吾係啲女人戴嚟做乜)，似為佢度身訂造。

導演似乎也不太能幫到，演員憑本身的能力去演多於角色的設定，最明顯是蝦頭地產經紀，很有那些年PIP的感覺。

套戲雖然麻麻, 但唱"十面埋伏"時, 卻有一絲觸動.

當然其實跟套戲完全沒關係, 只是那時腦海想起在背後, 那個角落的她.

再一次看到她時, 她有了男伴.

有一刻沉默.

時間不會停留.

(vii)


20-3-2018

我有沒有哭過呢?

算是有吧.

但也只是眼眶有點濕, 不是孟姜女哭崩長城呼天搶地.

沉默是好的.


這些年, 曾經喜歡過人, 也經歷過多次相似情況.

對上那一位, 今月底還會聯同佢丈夫一起看安室奈美惠.

別問我, 為甚麼還會流淚, 都幾年了.

我說不清, 自己也不明.

也早知道有一天會是如此.

窈窕淑女, 君子好逑.



是自己的修行還未夠.

A view from the bitch 10

(i)

13-3-2018

個原著劇本本身爛, 係啲中文靚之嘛,   寫到那公主根本是發花痴, 好似踏入狼虎之年(?!) ,  那條友可以點執呢?

(ii)

俾我揀, 我會想有最佳劇本翻譯獎.

一劇之母為劇本嘛, 啲劇場人成日話, 咁譯得衰, 文句都吾通順, 拗口, 又譯錯, 又點會演得好?

翻譯得好, 吾代表演出好,  例如去年的 "回歸" , 潘惠森譯, 其實譯得OK, 但卻是去年爛劇之最.

但譯得差, 就好難表演好, 例如"爆谷笠水帶位員",  好明顯譯得差,  譯者都未明劇本的"了能" 野. 相比之下" 搞大電影" , 本地化, 有周潤發, 監獄風雲,  通勝, 便是生色不少. (原本英文劇本好悶架)

(iii)

14-3-2018

明天本地大團又開售劇票了.

今年很多劇都重演...

乜真係好睇得咁緊要要重演咩?

我又吾覺好到好值得重演.


Anyway.

盛宴, 假鳳虛鷥,  劇場阿叻有份導的, 一定不看, 最多借盛宴劇本來讀.

國際黑盒 : 美好的一天, 伊狄帕斯 都不是自己杯茶.

已減去四套.



胡雪巖,  新版有幾新先?   若文本, 舞台設計和調度冇變. 咁真係入場睇潘燦良.

原則, 若仲係維穩爛GAG爆金句劇, 則真的沒興趣看, 看著那些金句過期, 已冇人記得, 仍留在劇本裡變得騎呢, 不是有趣的事.

好人不義, 未睇過,  諗諗.

結婚, 原本的文本有點累贅, 若看, 都是看導演處理上有沒有進步.

驕傲, 局, 介紹令人覺得有伏味. 但局有陳煦莉喎...

傾城無方, 介紹寫得好似幾好咁.



大概, 最終自己會看 : 公司感謝你, 一缺一,  傾城無方, 中性, 五段小品,  若看胡, 我希望舞台設計變得簡約一些, 文本精鍊一些.

六場, 都夠折扣的, 雖不夠多.

若看局, 便應搭好人不義, 咁就先夠八場, 再折多些.

但好人不義, 又未真的好夠吸引力.

大概, 都係睇六場, 到時若得閒再算.

(iv)

15-3-2018

如果, 我話如果,  我抽獎抽中陳X權的歷年劇本作品選, 或者曾經在誠品見過的那本野.

我應該俾咩反應好呢?

你話呢?

應該比Samuel Beckett 更荒誕, 才能反映我內心的真實狀態.

我一向沒抽獎命, 即係又吾見我搭地鐵有艷遇.

(v)

16-3-2018

看了割櫈談IATC 一班人圍埋討論劇作, 批評那班人的討論令人O 咀.

本著求真精神, 找了佢地自己寫的撮要來看.

http://www.iatc.com.hk/doc/104677?tab=4

回歸好看?

咁既野都講得出口?

好想知評審A 係邊個.

匿名講野真係吾使成本.

回歸不是不知名的劇本呀, 讀過都知班友演得不知所謂.

"玩" 係把經典戲目, 做爛做到不知所謂, 並美化了劇評式用語.

"刻意做一個不一樣的回歸", 做得爛, 咁梗係不一樣啦.

怎不一樣都好, 連角色構建和處理都冇, 睇埋我果份.

割櫈真係冇屈九班友.

佢地的節錄真係咁講北京猿人.

劇本寫作係咁, 你係到彈導演複雜?  場場戲blackout 好未?

白痴架啲人.

可以彈導演架, 踩到佢落地底. 

但真係講啲有基本常識少少, 或者講到更好的方法去做, 要令人信服得架.

匿名講野真係係冇成本!! 

香港的劇評人吾會俾我尊重, 係冇死錯人架.

劇本都未必睇過就去評人地做得好吾好.

水準和理據低到呢....

如果劇評人的目標是引導及啟發大眾對藝術和戲劇的討論和興趣.

呢班人的成績, 至少對於我, 是徹底失敗.

我只會諗, 幫呢班人寫對談撮要的人, 好慘囉!!

浪費生命做埋呢啲野.

幾乎全部都是個人主觀式感受評論.

刪去"劇評人" 的身分和光環, 他們的討論甚!麼!也!不!是!, 和普通人沒分別.

"好睇, 吾好睇" 普通人夠識講啦, 使鬼政府資助呢個團體去講呀.

冇內容架, 冇給原因和理據去支撐架, 全部都係個人感覺和主觀.

仲要寫撮要!!!

若真係要寫, 吾該事後加上補充佢地覺得咁的原因呀...

"玩" , "不一樣", 佢地講曬啦, 冇內容架, 對提升觀眾水平零幫助.

若不補回理據, 寫嚟做乜, 開會開嚟做乜?

等人玩推理, 估下原來邊個講呀?

開會出席最多的, 最多被撮要,  一定係主席...

叫我地玩起底呀?

討論紀錄匿名的原意是保障發言者的言論自由.

現在卻淪為掩飾評論者的不負責任和低水平的遮醜布.

討論, 原來只能俾人用來恥笑佢地hea , 不專業, 求其, 沒有客觀準則. 

咁我不如返工主動要求同老細開會好過, 我日日都有得聽.

(vi)

20-3-2018

很有心機寫, 很到肉.

原來, 都有人吾鍾意睇劇場阿叻啲劇.


可惜,  那個劇評組織最後依然故我的居多.

反正, 又吾係我地出錢資助這個組織...啋我地有病呀.

看到組織的回應...笑到我呀...咁都叫交鋒?  啲人睇四仔打飛機都激烈過佢地啦.

我們目前的機制是先討論，然後投暗票，背後的意念是：大家先互相切磋甚至激烈交鋒，最後求得的是代表這個集體的主要藝術傾向。

Voyage 28

(i)

 9-3-2018

你有沒有試過跟宋仲基連續接吻 12 小時?

你能想像到感覺如何?

如果想像不到, 那就要吃"車品品"的麻而不辣米線了.

是香口, 嘴唇有點發麻, 但卻只有輕微的辣, 是比一小辣還不辣.



我? 梗係吾會諗起跟宋仲基連續接吻 12 小時啦.

我會諗起宋慧喬!!

~Kiss~



btw, 那隻鮑魚雖然汁料仍可口, 但size 卻比從前細隻了.

豬腳仔和碗仔翅仍然好味道.

(ii)

9-3-2018

跟GM 開了一整個下午的會.

明知老闆諗埋啲野實吾得, 做乜咁認真?

就算得, 佢咁縮數, 一定吾會扔錢出來搞.

我說若對方問到我地答吾到的野, 講萬能對白 "我地將會研發強勁的IT 平台..."

佢藐我..."你當對方白痴架咩..."

"都係呀, 好彩老闆叫我當日全程吾使出聲咋..."

"@#**(#*(#＂

咩啫, 好多上巿公司啲人都係咁講野架啦, 只不過萬能KEY係 "中國經濟向好...", "我們有一隊富有經驗的管理團隊...", "我們的研發能力是背靠清X 大學..."


無聊時周圍望.

望到隔離玻璃房compartment 的兩個人, 雪櫃房部門主管和佢的愛人女同事.

成個幾鐘頭, 佢地幾乎都在吹水, 但吾知吹乜呢...



佢地平時不坐雪櫃房, 只是在影印時才走入雪櫃房.

而我平時在公司走廊行過, 視線水平是被compartment 磨砂玻璃遮住.

只有大家都坐在compartment , 才可透過間隙, 看到二人房裡怎坐.

原來佢地係 T 字型咁坐架.

即女同事是側身,  主管直線可以一直望住女同事.

即係, 女同事成日流流長, 係咁俾主管望住.

與其聽埋啲吾等使的野, 我開始係到諗, 當初佢地點樣過電架呢.


在禁室培慾下, 主管是用野獸的目光, 熾熱的眼光, 強烈佔有慾的眼光, 溫柔而暴烈的眼光, 望到女同事心如鹿撞, 芳心暗許, 覺得需要被征服?

吾係吹水, 吾係點會有梁朝偉.

亦吾怪之得, 女同事啲衫好耐先會rotate 一次, 不太重複.

(OK, 呢個論點其實是錯, 因為作為一枚中女, 只要身型吾太走樣, 又買啲比較classic少少的, 十幾年儲埋儲埋, 幾十套返工衫好平常啫...)


唉, 吾怪之得, 坐那個部門主管個位咁容易溝女啦.

日日咁望住條女喎, 條女點會冇感覺.

我日日咁望住你呀...

如果, 我都可以係咁坐就好囉, 日日望住Gal Gadot.



開完會, 跟男同事分享.

"我如果日日咁樣望住你, 你會有咩反應?"

" X 你個街..."


(iii)

10-3-2018

今午去了拜祭亡母.

看著龕壁日期, 才意識到母親已過身快整整十年.

時間過得很快.

摸著壁面擦拭, 燒過衣包 (我其實冇乜所謂, 只係覺得如果有幫襯, 平時佢地會著緊一點清潔那間先人堂吧),  默言無語看著遺照.

是的, 都不知可以說甚麼.

先人堂越來越多人啊, 會不會覺得好煩, 阻住睇韓劇情定大飯店?

我會搞得掂自己, 勿念.

(iv)

今年以來, 已沒有再長氣地筆記看過的舞台劇或演出.

最多只是寥寥數句.

最主要原因是忙和累,  況且, 寫來寫去都係果啲, 自己都嫌悶沒新意.

至今, 仍未遇到很想寫的筆記.


一向算厚道的同學說, 今年藝術節本地委託的舞台劇, 難看程度是看了上篇, 是諗住放棄去看下篇.

聽到都覺得慘烈.

青年人演技不好, 都算, 但劇本吾得, 很plain 咁講導演編劇想講的野, 沒深度思考可言, 舞台設計阻訂, 把演出逼曬去一邊台區, 中間只有一個大學嘜頭雕塑, 卻是難辭其疚.


都係果句, 好的演出是要時間浸出來, 雖不是100% 保證, 但有時間總比沒時間好.

嗯, 我連票都沒有買....可見我過去瀨得太多, 今年鐵了心, 寧錯過, 等re run的策略OK.


(v)

11-3-2018

今年澳門藝術節買飛好流暢.

紮曬馬一到12點即refresh , 便可以登入買票.

買了呃like 之選的特落依的女人, 和雲門2 十三聲.

可惜兩個節目不是連接, 要分兩次來澳門.

btw, 訂親呢啲政府官網的售票, 用IE 係好過chrome, 吾知點解.


(vi)

好厭, 又要含X 投票.

我選那區, 候選人是會把薪金八成捐出來的貨式.

我吾係反對佢捐, 亦知佢動機是良好.

但才不久前, 同區的劉X麗在當時競選時才作出相似的承諾, 當時亦已惹非議.

對我來說, 條友仲咁講, 顯是沒有反思, 怎可把事情做得好一點.

繼續嘈埋啲無謂野.

投票的無奈.

(vii)

11-3-2018

《夢與狂妄》

我懷疑個巡演舞台監督是不是和導演有仇，好似想拆導演招牌咁。

我不懂法文都知字幕甩漏得極明顯，有時演員講完好一會才出現字幕，或是字幕空了十數秒，或是閃靈般出現兩秒 (成句對白啊...我睇吾切囉...)，很妨礙觀賞，散場後懂一點法文的同學也說，字幕明顯跟不上演員。

咁，真係冇野呀嘛...成個劇團都冇人去調校字幕速度，今場仲要吾係第一場喎...

同埋，劇團知不知前後兩塊字幕板，較入即圓拱形後面那一塊，所出的字來到觀眾席第三排已細到看得挺辛苦，要瞇起眼盯，睇吾清楚，咁啲字幕淨係俾第一排睇? 不過那個字幕板係會反射光到圓拱頂，在這個特意把舞台整到有咁暗就咁暗的演出來說，我覺得係死罪!!!!!!

若光暗吾重要，至少對導演吾重要，佢選擇整到咁暗把鬼呀?!!! 重要係, 字幕啲光色是白光, 但來到尾段, 圓拱頂有一層粉紅色, 所以...成件事根本是錯曬...

我吾接受製作整成咁...

雖然其他的燈光OK, 光暗調較應好難做到咁.

話曬法國大師作品，可吾可以吾好咁拆佢招牌。

由於字幕差到極點, 我吾跟到演出講乜.

字幕跟吾到對白, 也就跟不到動作, 咁點睇呀?

成場睇男主角solo 慢動作, 在極暗得燈光中仍睇到佢雙眼睁到好大呀?




《小狗習題》

雖然現在巡演的set和得出的效果，是沒有NT Live看到那麼好 (我指NT Live 版本的現場) ，現在的set LED過多，特別是那個燈框，現在變成個方盒子的邊都包了燈框，爆光沒懸念，難為了一心俾錢買貴飛坐得前或者框旁的觀眾，成晚被"chan" 住，光害無極限，而那些本來在地下的LED 燈點點，現在地下有，三面牆都有，亮起時都爆架...其實，我吾明左邊兩邊點解要咁整囉....( 謎之音: 咁整吾使搭個深度要夠的台開地下箱, 軌道嘛...)

舞台空間感也顯得較NT Live版本現場狹窄，好些群體動作如太空漫遊，搭地下鐵，都好似吾太夠空間去做咁。

彈還彈，也未致於好差，雖然坐circle 的決定沒錯，高一點始終係好，我早買飛，坐 row A接近中間位置!!

但是看現場怎都是好過看NT Live ( 不是NT live 版本現場)，純粹贏現場感，視線沒有被鏡頭切割影響接收，譬如今次會比較留意劇本的訊息，感受到若家庭裡有自閉症的小朋友，即使父母對他有愛，也是很辛苦和不容易，也感受到自閉症的小朋友排除萬難去倫敦見母親的勇敢，而他也因為這次的經歷願意變得勇敢一點面對困難，也是令人觸動 (left right left right left right left right...)，是看NT Live時沒有咁深感受和共鳴。

就像去旅行時遇到麻煩和阻礙，不過克服後，會對自己有信心一樣。況且，我數學雖然差，智商也只是正常，但講自閉不善社交，卻也有些跟主角共同。嗯，而我都考慮該不該考多次DSE英文UNCL，等公司吾好再要我寫公函或計劃書。

當時沒有感覺，大概當時鏡頭掛住大特寫，少了演員互動形成的氣氛化學作用。

btw, 男主角的確沒有NT live 時那個咁好, 亦應沒有1st run 那個咁好, 除了先入為主外, 今次版本的男主角演得比較實/勇敢,  沒有點神經質, 虧虧地的感覺.


(viii)

12-3-2018

好想吾做
好想吾做
好想吾做
好想吾做
X100


(ix)

如果我知道姚生原來是這樣做競選工作.

我是連投票都慳番, 慳番人生的十幾分鐘, 更吾使含X.

班人可吾可以似番個正常人?

也許是無意, 但真的自大傲慢.

那天星期日我都在奇怪, 原來那個民協社區主任肥仔撐姚生架?

(當區民協區議員完全 no show, 大頭像都冇)

這幾個星期, 我見肥仔張大頭照, 海報易拉架, 仲多過姚生, 應該話未見過.

吾知情, 仲以為選區選架!!! 或者得一個人選補選自動當選!!!!

區議員office 外牆, 一張競選海報都冇添架.

本來有點奇怪,  或者我返工時間(朝八晚七) 撞吾到佢地擺街站.

政府寄投票候選人單張, 我真係吾覺佢同另一個有乜分別囉.

原來真係咁樣宣傳.



本已忍著很多怨氣,  初選已被剝奪選擇權 , plan b又反口, 我都仲去投, 但宣傳搞成咁?

叫人怎不心淡?

個個香港人都有十萬九千樣野煩呀...

生性啲, 似番個正常人, 好吾好?


(x)

13-3-2018

IFC , 地下電梯上去.

開巿頭兩小時.

第一次上去.

會議室裝修靚, 排場講究,  地方很大, 有海景,  很寛敞, 也很浪費.

開會, 邊個咁得閒望窗外海景? 反光時, 咪又落窗簾.

在這區番工即使多久,  去過不少很grand 的地方, 仍知自己格格不入.



離開時, 我想得最多係, 若吾辭職, 我未來一定死梗.

人地講了十九幾萬次 "普及" , "提升體驗" ,  依然想那樣子, 根本冇聽人講/ 暗示.

交計劃書, 人地除了拖夠鐘數才跟你講不接受申請, 轉手扔落垃圾筒, 仲可以有乜效果?

(接受申請都要先決條件架, 佢地好似有計限時回覆, 若乜鬼都接受, 佢地啲"工作效率"咪花鬼曬, low productivity 囉.)

人地覺得你連最基本的都未清楚, 最後廢鬼事講技術要求, 反正已夠1個鐘,  卻當人地不再堅持要有?

等於 IU 叫李鍾碩吾好行咁近,  但冇叫我保持距離, 我就以為條女對我很有意思一樣.

你明吾明, 我若咁諗野係痴 X 線的.


我若鍾意做文書工作, 就吾會做呢份工.

一次半次都算...現在變常駐...真的不是辦法...

變左我做四個不同工種的工.

我知道, 未來幾個月, 真係去馬,  我一定會頂吾順起身, 出去試下, 好過等死.


(xi)

13-3-2018

原來呢, 租個255呎的私人工作間, 要 6000蚊起跳, 包水電上網納納雜.

若同另一個夾份租, 即每月三千, 諗得過...我侷住俾貴佣, 每月都吾止啦 (今個月未必有, 因為成日去開會啫..)

諗下啫....但諗下, 冇咁灰.


日日似現在, 開會做埋垃圾野, 十年後, 我咪死得仲慘.

你估老細會多謝我咩.

幾年前, 佢炒左個捉老鼠的同事,  我已吾會對呢間公司有任何感情.


(xii)

13-3-2018

今日是朋友生日.

訂了的蛋糕也到了要見人的日子.

店家今早通知送貨時間時, 並沒有把成品給我看.

是有點驚的...吾會...又嚟卦? 我都冇叫佢寫中文字喎...

不過, 還是忍住沒有問對方給成品過目.

一來, 都於事無補,

二來,  吾好成日咁多疑, 有被陷害妄想症得架, 我現在吾係對住班理得我死的高層呀.

等到下午送貨後, 店家才給我成品看.

都幾靚呀, 平心而論, 係好的, 我收貨和滿意, 同埋雲呢娜味好食喎, 雖然我未食過.

啲色highlight 得幾好, 也刪走曬我那些亂七八糟的想法, "都敏俊" (佢個小男友) , 炸雞脾, 牛扒, 薯條, 熊人 (佢條佬), 牛頭 (牛下女神, 踩單車那個).

咁就識佢十年.

送了十年蛋糕去佢公司, 至今都未食過一次.


(xiii)

14-3-2018

怎計算加權風險資產?

我跟上面說, 好深, 我不懂.

我跟同事說,  咪踢爆我曾 pass  FRM.

不想煩, 不想再被隊啲野落嚟做,  惟有說不懂.

雖然, 我真的已忘記了, 但我其實知講乜,  要pick up 也可以的, 只是不想.


(xiv)

15-3-2018

買劇團劇票的時候,  才發現主劇場不能和黑盒合併計算折扣.

本打算買多一兩場湊夠八場.

但是真的買吾落手, 不想浪費時間金錢.

再想想, 未來可能真的辭職, 省儉些也是好的.

也就作罷.


沒有再買平日的場次, 若那時仍在上班, 翌日也不會感到太累.


曾經猶豫一會.

但想想, 這決定應該沒問題, 應不會騷擾到她, 令她感到不快.

她都不知道自己.


(xv)

16-3-2018

日常

快開巿時, 被叫看去看一隻股票值不值得去margin.

開會後, 結論係隻野真係不知所謂喎...

再過半小時, 上面見完上巿公司.

決定借.

心裡媽媽聲, 開頭又話吾借, 現在又借,

咁起初叫人地分析又把鬼咩, 講完又吾聽. 卻阻住搵食.



之後, 又另一間公司.

得出亦是垃圾的結論, 不會借.

(吾好問點解成日遇到垃圾公司, 物以類聚, 咩人就會接到咩合作機會. 同埋真係好的, 使鬼叫我地睇, 正如真係升的股票, 從來不會同我地講, 會瀨野的, 先會吾介意其他人跟風...)

最後結果, " 有需要時幫手..."

"佢意思係借?"

我: "痴線啦..."有需要時幫手", 等於男人同你講"我愛你" 一樣, 冇內容架".

Voyage 27

(i)

4-3-2018

近來算多飯聚,  朋友們問起, 為甚麼現在很少更新IG 和面書.

官方答案, 沒有甚麼好公開囉.

即使過了自閉期, 現在也不是很有意慾出post.


雖然, 自己很多廢話可以講, 正如呢度啲廢話, 不過那會很煩.

譬如, 旅行途中的無聊事柒事, 其實不介意寫出來, 但是卻不想像從前般, 啲人見我係咁, 以為可以隨便踩上門.

我吾係真係冇脾氣的.


(ii)

這一周, 會在得閒時, 譬如搭地鐡, 行路時,  有意識地睇女.

看佢地的衣著, 打扮的細節, 身材...


目的是比較感覺.

唔, 冇咩感覺...不會有心動的感覺...

那個女人大波, 裙短, 暴露少布...好出奇咩...望下就算...

是不會有一種令自己心動, 會陶醉, 想仔細地看, 很想永遠一直看下去的感覺.


雖然已相隔一星期, 仍會覺得震撼, 畫面仍留在腦海裡.

曾經見過很靚很迷人很優雅笑容很燦爛的女人.




現在仍覺得平時看到那些女的質素, 如同嚼蠟.



不要想太多, 曾經看過一次很靚的女人已心足.


(iii)

4-3-2018

數一數, 還有兩餐, 因為新年所以要聚餐的飯就會吃完.

不用再吃那麼多了,  私人時間也會多一些, 雖然還要看藝術節.

平日, 忙的, 要洗衣服晾衫.

想來, 去旅行穿過的大褸, 雪褲, 還沒時間拿去乾洗.

還有那件Adidas 外套.

是呢, 這件外套有數個月沒有洗, 但卻是上星期六看完戲, 我才覺得它很髒, 很失禮.



(iv)

5-3-2018

三個麻甩佬去了尖沙咀老鍋.

人均消費 500, 自不是便宜, 不過湯底 (加湯也不是用白開水) , 火鍋配料卻也是比一般任食好好多.

環境和裝修也寛敞得多.

所以也是合理的.

朋友甲 " 嚟呢度啲女質素都高啲..."

我, " 吾係呀...我前面方向那枱, 淨係得幾座肉山咋喎!!!! 彌勒佛嗰隻 "

朋友乙, " 我望果邊都吾得..."

我順著朋友甲的視線...的確是成場最好的OL.



甚少見, 因為他們都有家庭.



飯後, 陪朋友甲去巴士站.

朋友甲, " 女呢啲野,合眼緣架啫, 要試下, 吾係又點知會不會鍾意那一種女子, 吾係得一種架嘛, 我有個朋友四十幾, 單身, 都仲係好積極識女人"

我, "我接受吾到嗰啲 (剛上另一架巴士的女人) 條腿好似大湯碗咁粗, 仲著喱士 legging囉...對成世喎..., 有些野, 真係一睇就知自己鍾意啲乜,  最緊要知自己只能隔住櫥窗望,好似睇 hermes 咁啫...你點都吾會周圍去淘寶架嘛...況且我仲有好多野煩...邊得閒理 "


忽又想起，今早成班平時不蒲頭的上年紀、純粹掛牌的consultant等開會，令所在房間變了日間老人看護療養院，好嘈。他們忽然講起養兒防老，這時清潔工友說起佢原來有三個仔，已出身但關係疏離，二仔擺酒都冇通知佢。

我聽到後，不免感慨。工友現在一把年紀還要長時間工作，不是不辛苦的，生活艱難，也不是佢當初的打算。


家庭或者其他，有或沒有，都是一種緣份。


(v)

若她穿，應會更加迷人。

(vi)

5-3-2018

生得靚仔係著數的.

同一個辦公房間另一部門的一個約莫三十歲出頭的男人, 已婚, 有兩個女兒.

近來得知, 佢的薪金: 7000 港元.

沒有寫少一個零頭.

7000蚊, 衰啲講句, 只夠小朋友上playgroup 咋囉.


點生存呀, 咪講養一個家庭, 一個人都好困難啦, 在香港.


但他衣著還算光鮮, 也會中午出街食, 不帶飯盒.

所以, 他本身是有錢的, 或老婆娘家都是有錢的.

所以, 才能在這裡生存.


但係,  佢屋企錢多是一回事, 呆在這裡受氣俾那個部門主管屎忽鬼玩野, 卻是另一回事.

7000蚊, 大把工可轉啦, 仲要 6 呎高, 皮膚白淨, 又是斯文靚仔, 成個現代版陳百強 (吾係陳百祥呀, 吾該!) 類別.



如果我有佢咁既外貌條件, 我即刻辭職.

拋個身出嚟, 下海做鴨!!!

去實現我的中女夢!



一個月搵幾十萬都吾係天荒夜談, 若好彩, 變另一個陳X聰添呀.

仲使係到開會做埋曬啲無米粥十九文書工作, 阻住搵食.



btw,  我吾反對啲中女去叫鴨, 冇意見.

又吾係我條女, 就算係, 都係佢前半生的經驗的一部分, 應該要尊重.

都是有需要啫.

其實, 都冇咩大不了, 大把女人都係咁架喇.

正如俾錢學一世跳舞 , 吾通所有錢都係跳舞學費咩.

況且幫襯吾一定要肉體交流, 同人傾下計, 想有人哄下都得架.

(我的DSE 作文志願 : 香江第一名鴨李師師, 賣藝不賣身.)

俾錢買服務, 有質素保證, 感覺舒心,  總好過亂Q 咁嚟, 事後俾賤男通街唱.

找男或找女都好, 最緊要做好安全措施.


(vii)

7-3-2018

朋友請吃飯.  bizou, pacific place., 佢和男友食到有vip 折扣券用.

食物味道還過得去, 只是侍應似乎遇上太多"愛投訴", 所以甚麼也想詳細說清楚.

二月下旬才見過, 也沒有甚麼特別想講.

純粹是佢生日, 把早前買的禮物俾佢.

"diptyque , 是法國好出名的牌子, 當地人把它當作國寶. 我買香薰洋燭買到變VIP.  500蚊一條可以用60個鐘"

"你吹熄佢, 你男朋友會不會出現?'

"???? 你講咩呀? "

" 韓劇有吹熄蠟燭, 男朋友就受到召喚出現係你面前架..."

" 孔劉? 咪睇咁多韓劇啦..."



"le labo 的香水是人手配, 所以你會見到個樽有寫名, 是由那一個人配. 呢隻牌子的香水用料全都用最好的, 例如玫瑰, 便用上最好的, 所以價錢係比其他香水貴..."

"(係比其他貴, 呢個我都知)... 但好浪漫呀, 可以在樽上寫字, 冧女一流. 你冧吾冧呀, 我祝你生日快樂..."

"......... / 你有冇問佢地攞sample? 拎上網賣都值錢架...''

"......冇...我只係覺得怪, 有個sales 穿鼻環, 在IFC 呢頭返工喎"




"我呢排搬左入雪櫃房既...那個部門啲戀事好複雜, 上一位department head 溝左交收部女同事, 但佢又衰偷食, 結果那女同事篤佢私下食回佣單野出嚟, 結果俾人炒左 , 現任那位head, 離婚, 有一女, 溝左同部門的女同事, 那個女同事為左撐男人, 真係乜野都做得出, 我坐係房到聽, 真係O 曬咀, 咩""呢排已好多炸彈, 我已收埋曬吾想佢爆出嚟..."" , 佢做admin, 佢以為佢邊位, 吾爆就可以吾爆架...又搞到啲人冇糧出, 差啲上勞工處... 搞到我現在都想轉部門, 睇下溝吾溝到女, 但公司裡依家都冇乜好溝..."

"你咪咁八卦啦...但啲女人為左男人, 真係咩都可以做得出"

"我坐響到, 佢地講, 我侷住聽咋..."


"上次咪同你講我老闆和女秘書有噯昧, 佢有一次在老闆間房一個鐘, 出嚟紅曬臉..."

"嘩, 在office 搞野, 好正, 老闆玩mouse, 秘書玩joystick..我都想試."

"咪心邪, 佢地搞噯味, 吾會有性關係, 女秘書成日話要將老闆的短訊刪除, 俾佢老公見到, 實家變..."

"咁即係打173 123123 啫...柏拉圖咩..."

"但女秘書私底下收多老闆人工和bonus, 比我高..."

" 咁你當呢啲肉金嚟架嘛...冇得恨..."



"我男友計過, 佢話若要香港退休,至少要2000萬, 每月才有6-7萬錢用"

"所以, 我吾會諗在香港退休囉..."

"租樓都去一大部分, 仲有醫療呢, 呢個冇頂, 計吾埋架..."




至於其他事 , 明知說多無謂, 譬如佢的那個圈子, 也就不說了.

現在咪幾好, 間吾中食飯.

我想要的基本平等尊重, 是沒法在那裡得到, 又可以再說甚麼?



至於那件事, 也沒有甚麼可以說, 不也用跟別人說.

她忘記了自己, 想來, 是很好的, 至少她不用擔心, 也不用掃興.

(viii)

8-3-2018

算是樂極生悲吧.

大概昨晚消化不良, 吃肉太多, 或者紅酒, 芝士餅有問題.

今天整天胃痛, 也去了洗手間開大五次.

痛得, 沒怎精神工作, 也沒有去吃午飯, 趴在桌上休息.

是對自己懊惱, 生自己的氣.

怎不可以再硬朗一些, 頂硬上.



但想又想, 都執到啦, 以自己的生活模式偶然才會胃痛.

(ix)

8-3-2018

只有那些你在乎的人才重要

很樣衰, 在看節目影謝幕演員, 被隔離條麻煩友追住逼刪照片.


想來, 也沒有甚麼呀, 即使被放上網公審, 我呢條友沒有theater manner..

隔了幾天, 誰記得.

他們是誰呢? 我又不在乎.


其實, 我吾係成日影的, 難看的有乜好影.

將來遇到超級好看的, 我也會影謝幕照.


想來, 從前曾經歷過網絡公審, 也不盡100% 壞事.

令自己變得更堅強.

只是那段有情緒病的日子不好受就是.

不失, 怎得.

只能這樣勉勵自己.



這是在本棲湖影的.

本來甚麼都冇得影, 因為所在位置是夾在山和湖之間.

只是當時無聊過頭, 嘗試去行一條形似荒廢的郊遊徑, 走入渺蕪人煙的地方, 才影到的.

一個人行.

不是不知危險和不驚的.

條路仍有積雪和碎石, 若跌落湖凍Q死.


才隔了數星期, 仍記得那份感動.

獨自面對困難的勇氣和嘗試, 又找到出路.


電影對白都有啦...你可能會遇到更強大的敵人，他可能會將你打底，但無論如何，你都要勇敢面對。

戰勝自己.

咁長氣, 是不是自己安慰自己壯膽呢?

唔, 怎都有一點的, 若完全冇是假, 啲人都痴線架嘛.

不過, 卻見到自己的態度勇敢了些, 卻是喜悅.


那段過去, 不再糾纏, 應該已誇過去.

A view from the bitch 9

(i)

4-3-2018

又到香港舞台劇獎的名單公佈時間.

今年, 面書, whatsapp 已不見同學談論.

好冇氣氛.

我作為一枚bitch , 又怎可以不評論彈三嫌四一下呢.

最佳製作, 父親和謊言都好, 自己不是劇場人, 所以細微之處誰孰更佳, 未能分辨.

至於剩餘那個候選, 真心問, 有幾多人, 真觀眾而不是捧朋友場, 曾經看過, 留意過?  所以只能視為鼓勵性質.


最佳導演 (悲/正), 我估, 父親的勝算較高.

三姊妹, 未看過, 不能評價.

大汗推拿好不好, 視乎你怎樣看待導演的角色, 把原著真實準確地反映叫好, 還是重新演繹註釋才叫好. 自己接受這種改動, 因為有意思, 但以評審的口味, 應不是佢地杯茶.

父親, 都OK, 但有些細微的地方, 覺得可以再深入一點探索. 我以前寫過架, 只係俾人搞才變回草稿.


最佳導演 (喜/鬧) ,   我估是謊言. 其他都是鼓勵式陪跑.

但話時話, 一年裡頭, 香港好多喜鬧劇上演架喎, 點解候選咁少架?

我係咪白痴架? 你估出來的效果係好喜鬧, 本身就係喜鬧劇咩....

係有啲導演, 導得衰, 把原本正劇變成鬧劇之嘛, 依家若仲把佢地提名最佳喜鬧劇導演, 吾係讚佢地, 而係係到小九佢地呀.



最佳劇本,  潘惠森.

塵上是未完成的感覺,  香港家族...你拍埋去差不多同期上演的 "大選年", 就知差幾皮.

不太愛藝術節那些委託本地的 X 部曲舞台劇, 所以今年也沒有看青春乜乜乜.

劇本, 你以為一作就有, 有字有對白就係咩, 所以可以幾部曲咁寫.

若平時看, 無乜所謂, 我覺得都還可以, 以香港家族的水平.

但作為藝術節, 應把最卓越的水平, 拿給平時不太看舞台劇的人看, 吸引佢地未來繼續入劇場時, 卻是未及期望.


最佳男主角(悲/正) ,  雖然未看過另外兩人演出, 但毛俊輝一定贏.


最佳男主角 (喜/鬧) , 我揀李鎮洲.

其實三人都好, 潘生的節奏掌握好, 王生也演到角色的攣味,  李生反而有點木納內歛, 不夠爆炸惹笑 , 但係用呢個方式係最難演和最恰當, 有一種突頹和笑中帶淚要令人停一停思考, 最配合劇本, 是演繹的手法的選擇, 令我加多一分俾李生.


最佳女主角(悲/正)  我揀彭杏英.

陳小姐的演出沒看過, 沒資格評論,  蘇小姐的角色, 由於劇本仍有未完成的感覺, 所以我會覺得令佢的演出也失一點分數.

彭小姐的演出, 真係有幾分女兒的感覺.


最佳女主角(喜/鬧) 三個演出都沒看過, 也不好狗嗡.


最佳男配角 (悲/正)  睇下想不想幫新人上位, 若想, 會是梁天尺.

沒看過王生, 細蘇, 張生的演出.

高翰文其實演那個兒子, 其實演得很好.

梁生, 我會覺得佢有得諗, 係因為演出時, 認不到佢本人, 吾係前進進那時那個款, 即見到演繹模式的變化, 不是一個套路, 一上台就估到佢怎講野, 語調...

劉生, 那齣舞台劇真的好X差, 是去年看過最垃圾, 評分最低, 很可恥, 當觀眾是白痴的演出, 所以雖然佢雖然是演出最正常那個, 但我真係不想揀佢.



最佳男配角 (喜/鬧)  陳永泉.

另一位陳生, 沒看過, 所以未能評論.

鄧生的發揮始終受劇本, 舞台太大所限. 葵青個台咁大, 鬼睇到佢啲details 位令人有印象咩.


最佳女配角 (悲/正)  黃慧慈 (父親)

純粹未看過吳小姐的演出, 而父親是演得比埋藏好咁解.


最佳女配角 (喜/鬧)  蘇玉華.

其實, 我覺得, 蘇小姐和黃哲希一樣好, 只是, 蘇小姐較紅咁解, 斷估評審因此偏心一點.

蘇小姐攞獎, 都有記者報導嘛.

其實不公平的...所以拿獎的野, 真的志在參與, 不用太認真, 若實力已被行內肯定.

藍小姐的演出未看過, 不能評論.


最佳舞台設計  父親

培爾那個未看過,  不評論,

大汗那個, 斜面三角型平台, 真的能幫助到導演說故事.

下一秒, 有點大而無當.

谷爆, 其實可以設計改動空間不大, 兩旁的燈飾見到佢盡力.

父親, 贏在佈置的細節, 雖然其實都是按劇本指示. 但那些color tune,  真的見到有心思.

最佳服裝設計 全部都沒看過, 不評論


最佳燈光設計  父親

其餘兩個都未看過, 但按常理, 都會俾理父親的製作.


最佳音響/ 原創曲詞/ 配樂   吾識, 不少亦未看過, 不評論

最佳化妝造型,  都係冇意見, 未看過.  ON 9 架咩, 睇紅梅.


香港話劇團表面是豐收, 但若選爛劇獎, 佢地其實都是豐收, "回歸"應拿最爛導演獎.

A view from the bitch 8

(i)

24-2-2018

好奇怪...點解零零舍舍"編劇" 要用番中文譯名...

而我不知柏德烈馬柏是誰... (無知還不知恥版)

點解吾可以用番英文呢, 統一點嘛.

冠名贊助...咩嚟架? 間野是求職顧問公司?

但原來係會計師樓, office 在北角, 英文叫 Baker Tilly,   MD 係老外.

Sweet and Sour 又係乜呢?

原來都是老外開的戲劇教育公司, 看介紹, 除了教班, 也會向institution 提供training.

總之成件事的中文翻譯是怪怪的...


咁, 我會吾會去睇?

吾會.

btw, 曾看過電影, 都幾好的.


(ii)

終於知道早前牛棚啲飛的票價為甚麼那樣定了.

原來有捐獻.

唔, 都係覺得宣傳做得不到位.

如果那些人把宣傳當作一個劇本, 要run cues, 要劇本分析咁搵番objectives, actions...etc,  係咪會care 多啲呢?

咁, 我平時做野係咪又咁有系統計劃呢?

(逃之夭夭...)


(iii)

25-2-2018

昨晚看劇,  在開場前四圍遊盪, 才知藝術中心大堂已重開了.

售票處搬去二樓，即是從外面的行人天橋也可以逕自行入去售票處, 不需經由地下.

地下大堂變成了coffee corner, 及藝術中心歷史資料介紹.

點解冇攞酒牌呢?

我比較扮野, 自稱有鬼仔性格, 鍾意看劇前飲番杯(免費) 香檳, 好有Gentleman風度咁跟啲中女cheek kissing.

咖啡, 太冷靜了, 吾啱我.

地庫麥高利小劇場那一層的洗手間改裝了, 好像面積大幅縮減了.

樓梯都裝修過, 感覺modern了不少, 但係咪有需要呢?

用啲budget 執下壽臣劇院吾係仲好咩?


(iv)

25-2-2018

作為一個網上匿名的bitch, 成日對本地劇場嫌三嫌四, 係有報應的.

話說昨午看非洲少年流浪記,  我等到last 5 mins 才入場.

一坐低, 本來冇乜事.

跟住又要起身讓路俾人行.

好啦, 讓完又坐低..

啪一聲, 我成個人坐左落地下.

我坐張櫈的較位鬆脫, 櫈板成塊甩了出來.

你明吾明呢, 坐H 13 , 即係舞台靠前及接近中間...

係會有好多人可以睇到架?

家陣藝術節加料節目呀?


雖然尷尬, 但亦唯有叫人幫我換位...隔離條友好熱心, 係到噫噫哦哦, 指生曬...

換完位, 我吾肯四圍望...怕遇到同學或者識的人...



睇人仆街既野, 梗係好, 除左睇自己仆街外.

等於去旅行, 我吾介意人地帶埋BB 搭飛機, 只要佢地吾係同我同機, 或者坐我附近的道理一樣.

究竟, 香港一年裡, 有多幾人入劇場遇到我咁既遭遇.


索償有冇可能?

我吾要賠錢 , 咁庸俗.

有Gal Gadot一年免費french kiss 服務就可以的了.


(v)

26-2-2018

終於記得訂"謊言" re run了.

是遲了, 位子不會理想.

其實,  重複去看同一班人演的一場戲, 吾係咁好.

但叫我去看明知有伏味, 搵我嚟試驗忍耐力極限的戲劇, 倒不如重看一次好看的演出.

今次讀埋劇本, 去比較分析學習.

咁樣有意思得多.

我已吾係為看而看, 那些戲又吾係Gal Gadot.


(vi)

26-2-2018

有人說, Yerma 都吾係咁差啫...

甚至有網上的大學講師說好看.

但, 我真係吾鍾意嘛.

導演好紅又點啫.

說服不到我.

給我理由, 咁我就會聽, 思考, 檢討.


(vii)

26-2-2018

今年又去兩次澳門?

雲門2,  鈴木利賀劇團.

買到飛既話...

打卡必看啦, 鈴木忠志嘛.

到時又可以呃啲無知中女, 我係幾咁有taste.

(viii)

28-2-2018

想去外地看劇, 首先要有錢, 跟住有時間, 然後值不值得.

機票+ 19 酒店, 一晚, 應可以4000元有找.

時間, 周六去, 周日回.

劇目 : 1984

劇團: Headlong 都算出名的.

口碑... 吾係好大迴響.

諗多諗先...反正現時啲位也比較遠.

(ix)

4-3-2018

我估, 今年應仲有其他劇團演這個劇目.

一窩蜂.

點解會今年撞戲呢?

又吾係作家逝世吾知N 周年.

好奇怪.



不過這兩個演出, 應該劇本的取捨剪裁有不同吧.

學生版是 Dale Wasserman 譯本, 另一個則是Philippe Gaulier 改編.

沒有看學生版, 偏見是都係果啲水準, 見到有"編舞".

唔...怕怕...


不過會去看後者版本.

有好多年沒看詹生, 曾經 blacklist 佢的演出, 舞台乜都冇, 淨係扮女人, 票價又好高.

今次, 真係睇另外那兩個才入場.

Philippe Gaulier 好似在行內好出名, 好多人都被他教過演戲, 斷估吾會俾垃圾觀眾看吧.

(x)

4-3-2018

剛過去的周五, 看了百花亭贈劍.

第一次看粵劇，雖不是最傳統形式。

幾得意，在試驗，老一輩應看不慣，不是他們所熟悉的。

入場時雖沒看場刊簡介，但都看出有改動劇本，散場後才看場刊更是確認自己的觀察。特別是後半段尾聲像Hamlet咁冚家鏟式互砍，死了第二男女主角, 女主角父親和宦官，以及男女主角最後擺脫家國羈絆，逍遙四海的編舞。

劇本本身雖改過，但先天限制,  仍然仲係好流，好兒戲，以現今角度去看。

首先作為一名臥底，點可能吾知百花宮，仲要被人灌醉，其次百花公主真係好花痴，痴得好誇張，前世未見過男人，比踏入狼虎之年更猴擒...

女主角的動機很含糊, 為父而從軍, 見到男人就姓咩都吾記得, 並放了被揭穿身分的男人走,  到後來入了綠林, 又喊話要殺男人報父仇, 見到男人之後又吾殺, 跟住父親真係俾人造瓜左, 卻跟男人逍遙四方...


我仍然覺得, 唱戲和劇本情節嚴謹與否, 並沒有衝突.

現在粵劇或者許多的muscial , 仍未重視情節邏輯性, 重點仍放在唱戲, 功架, 和唱詞的玫麗雕琢, 劇本情節是家家酒也無妨咁.

若連劇本情節邏輯都可以嚴謹, 那就很完美.

吾係只彈呢齣劇的劇本,  west side story 果頭阿哥俾情人殺死, 轉頭同佢上床又私奔 ; miss saigon 初次接客, 反倒被嫖客 "沉船",  其實都好怪.

怎都好, 看百花亭贈劍, 會看到佈景, 燈光運用, 部分走位調度有幾分平時看舞台劇的感覺, 演員的眼神, 手勢功架,  唱腔及遣詞用語, 仍是典型的粵劇手法, 是幾好的實驗嘗試, 雖然不是突破性, 飛躍式...

係就會瀨野...並且已不是實驗, 而是賭博...結果會很粗疏 .  你幾時見過人做實驗, 試驗劑量由1 dose, 下次就加到10 doses.. 爆炸的機會大啲囉...

所以現在的實驗尺度是有意義和自己會接受, 只希望下次會再有演變探索, 一步步來.

不知粵劇幾時會融入現代生活題材, 辦公室生活, 都巿人的苦惱,  戲服也會換上西裝高跟鞋....

戲劇源自生活, 以前一直對粵劇有偏見, 就是因為故事題材真的和社會脫節.

用現今角度看, 男女主角真係弱智的, 雖然男女逍遙四方, 應是用上現今的角度註釋.