1-1-2020
新一年, 除了落樓食飯, 沒有外出, 沒有去遊行.
昨晚宵夜太飽, 吃了一盤炸雞和啤酒, 今天整天都有腹瀉.
就算身體沒抱恙, 其實也決定想在家休息, 以有好的狀態迎接新一年的交易.
行一次, 對自己的負擔不少, 所以想隔次去.
這些, 自己知, 自己選擇這樣就算, 若跟別人說, 是有點慚愧的.
晚上遊行腰斬了, 內心很憤怒, 不過也只能不作聲, 畢竟自己心裡想說的, 很血腥.
------------
昨看完舞台劇後, 行去CWB 吃炸雞 , 啤酒.
十二點, 鄰座的人紛紛向各自的朋友碰杯.
自己雖然得一個人, 但感受到那種熱鬧氣氛, 感覺挺好的.
大概為了想感受熱鬧, 那刻才想吃宵夜吧.
不過, 十二點後, 地鐵裡的人流不多, 和以前夜歸尾班車時間沒分別.
這地方, 終究不一樣了.
------------
相比起1941女孩, 天堂之後, 是爛劇, 昨晚看到的才是似樣的. 原來本地原創的, 都有正常的, 十幾年前.
自己覺得比獅子王好看得多, 更值得看.
獅子王的舞台設計, 服裝, 道具, 當然比起好人精緻有心思得多, 後者在這方面挺老化的, 沒有變動. 也看得出導演仍停滯在十多年前的水平, 品味似乎也進一步走向通俗.
會覺得, 木匠追數那一段, 三個仙人的出場搞笑部分, 和其他部分不配襯,
是格調, 是語言, 大概為了這次重演更新吧, 自己並不太喜歡現在的效果.
如果換了一個更勁的導演, 這個音樂劇就應會更加好看.
看音樂劇, 不要太認真故事的邏輯, 今次總算做到了, 不會像看獅子王般反眼, 揶揄, 跳線.
至少今次的愛情線, 比起城西故事來得正常吧(都痴孖筋, 隊冧左你大哥後, 你仲同佢上床然後私奔, 四仔片夫目前犯都係脅逼屈從, 城西故事卻是自願!!! ) .
演員都做得很好, 自己是為了邵小姐入場, 沒有失望, 當然, 如果佢後生十幾年, 瘦一點, 布少一點, 會更好( 有點妓女格會更好嘛, 現在似"阿好" 女傭/媽姐/ 賓妹) , 佢被神仙托起, 那刻感覺很重?!. 現在有點似大台劇, 女主⻆年紀大, 為了遷就, 便找更老的做小生.
演老王的那一位, 很入戲, 做得很好. 演老人那位, 戲份不多, 但恰如其份. 燈光也做得幾好.
坐的位子也正常了, 雖然自己右邊是空櫈, 但總比起獅子王兩個block兩行, 得自己一條友坐好吧.
----
明天第一個交易日 , 希望有一個好開始.
不知道這麼多年過去了, 來到今年的第一天, 即今天, 她會不會仍要OT 見客.
希望今年她繼續好好的.
(ii)
12-1-2020
原來有十多天沒有寫日誌了.
生活如流水帳, 很奄悶, 平時說話也不多, 而想寫的, 卻沒有多少.
上周六, 看了麗南.
進了場後, 看了舞台的set , 很有似曾相識的感覺.
瞇起眼讀場刊的劇目英文名字, 才彷然大悟, 乜原來是2017年藝術節做過的劇本?
這種事, 只能藏在心裡.
1) 連套戲做乜都未知就買飛進場, 擺明睇明星啦...溝女大忌, 除了有長度, 我份人都有要深度, 雖然我冇女溝.
2) 咁好記性做乜呢, 記得就有比較.
葉女士做得很好, 比起 Marie Mullen 也不遜色.
https://en.wikipedia.org/wiki/Marie_Mullen
舞台的set 應該很大程度跟足原著吧, 我估, 所以兩次演出的set 很相似, 99%, 所以才令自己一看就覺得熟口熟面.
不過真的似得很緊要, 好似抄咁, 睇過幾次的 all my sons 都吾會咁啦.
color tone 都是灰沉, 反映母女眼中的世界, 枱, ZINC 盤, 火爐的位置都是.
只是電視機位置不同, 細部啲, 樓底比歌劇院細, 做吾到那種空曠感, 窗外有樹葉原野的顏色咁囉. ( 我對此有保留, 雖然離開呢間屋, 即走出困局, 加上在鄕郊, 有森林色是正常, 可以咁理解下, 所以有色彩// 但生活在那個土地上, 若不離鄕別井, 仍是失去希望和前途, 所以還是灰暗色仍是合理選擇. // 睇下你睇是大picture 定細picture....)
(如果散場後, 我溝緊女時講呢啲, 條女應該反白眼...) (唉....)
導演處理, 一般啦, 和一年前同一日那套短暫的婚姻水平冇分別, 感覺呢個劇其實啱李國威導多啲 ( 睇得劇多就明架喇) , 節奏, 驚慄感, intensity 會powerful 啲, 即和Art fest版似得多. 依家做吾到那種tense 的atmosphere , 特別是條女斬九個老母後的獨白, 失常感, hysterical , self-cheating 吾夠, 係冇art fest版咁好.
同埋, 印像中淺化了, 例如淋油那幕. 吾知有冇記錯, art fest 版好似準備淋落去一刻就cut, 呢個就真係淋落去.
翻譯都一般啦, 母女對白聽上來冇咁長年累月的怨氣, 壓抑, 怪怪地. 那個鄉下仔太粗口, 講下, 妖, 屌你....就夠. 吾耐煩, 吾情願啫, 吾使咁粗口, 同埋條友雖有少少吞POK, 好吃懶做, 本質仍純樸, 聽話, 先肯做埋信差呢啲工作, 真係衰就把信扔在門口就閃啦, 要等人番嚟真係啋九你都有味.
現在, 劇場好似多了加插屌九差佬的台詞. 忘了實際說了甚麼了, 只記得鄉下仔問阿媽買火叉那段落, 見到有啲觀眾聽到拍手掌.
自己吾太鍾意咁樣搞.
盲既都知後來阿女就用呢枝野斬九死個老母, 編劇寫呢段係伏線, 所以咁樣譯, 其實是distraction, 是不是為了一時的渲洩而影響演出呢. 我有保留.
睇過呢個, 要到下月了.
就咁囉.
所以呢兩星期看韓劇多.
除了我至愛的師奶劇愛情是wonderful 生活是beautiful, 也有看我老婆的劇啦.
另外, 也有看檢察官內傳. 收視一般, 但挺有趣的劇.
也因為看了檢察官, 知道鄭麗媛, 也開始看魔女的法庭. 鄭麗媛是開竅了的演員, 所以吾太多要"擠"表情和神態出來, 演得幾自然的.
btw , 我現在的早餐如何呢?
食過一次麥片.
DIU LA SING.
好難食.
現在是火腿, 芝士, 放入微波爐叮囉.
想過在街巿買現成已醃過的肉類.
但要煎喎, 要洗鑊喎...啲油亂九咁彈我喎...
我用了三分鐘時間深思熟慮後, 把成包肉放回架上去.
就嚟一年一度的慘絕人寰的新年.
我有乜辦法吾係餐餐老麥大家樂下, 吾會餓死呢?
至於工作, 又係咁啦, 希望做得好啲.
(iii)
13-1-2020
近來趁巿旺, 沽了一些陳年倉底蟹貨, 免得再遇靜巿, 一手都沽吾到.
那些是以前在舊公司跟人買, 以為人地收風貼過自己, 結果, 上面坐艇自己又坐埋一份的.
CFA 乜乜乜, 咪就係講呢啲psycho anchoring 囉. 以為人地好有信心, 所以佢吾沽, 我都吾沽那隻.
這種買股票輸錢, 顯得我很盲毛, 無知, 完全冇受過教育.
係咪?
也是的.
我認自己係.
但邊個未試過咁?
除了做基金, 個人財富管理嗰啲囉, 打正牌公司吾俾買股票, 所以從來都係股票巿場的贏家.
佢地永遠吾會炒股票輸錢, 因為冇買!!!
所以這兩類人, 影親相, 都會挺胸 qiu 起雙手, 好有自信的樣子.
怎都好, 沽了那隻打靶股 (我沽那十幾萬錢, 沽左我足足兩個月, 仲要硬插幾格BID. 輸錢輸到咁 , 好煩, DLS), 感覺很舒暢, 可以重新出發.
就好像同條拖拖拉拉好耐既女講分手, 仲係我主動飛左佢咁.
如果, 我條女好似佢咁, 我又捨吾捨得放手斬纜呢?
嗯, 晚安, 有個好夢.
