1/1/2018
新年新希望新目標.
咳...回顧下先...post "Season 7".
舊年...我的目標, 2016年年頭係呢度寫過, 減少屋企裡的護膚品sample數量.
Yeah!!! 達標!!! 真係少左.
不過, 知自己仍很懶, 不夠勤力用護膚品.
今年清理對象, 會變成讀完十幾本買完未讀的書.
今年, 最好一年讀到26 本書.
舊年...話想做義工...結果...
走數...好明顯...
吾係吾想做, 有心做總做到...只是沒有甚麼好想做...
賣旗, 賣獎券... 咪搞我...
要上十幾個鐘的training...又好似太花時間.
看看今年又如何.
那兩個staub 煲, 仲未用過.
咳...又走數...
意外是, 工作更上心, 也解決工作噪音問題.
要敢 say NO.
冇時間...sense of urgency.
performance evaluation 實俾人寫衰架, 我擺明吾鍾意去應酬食飯的態度.
咁係呀嘛...應酬冇內容...大家表面扮friend, 私底下媽媽聲...
謎網未爆前, 個個都恭維, 爆左個個都忘記那個人.
幾年前, 真係跟其中一人轉工, 依家咪...自己顧自己...
今年要 work smart , 自己知有極多的地方可改善.
人地黃X英 炒美股, 新加坡, 日本, bitcoin, 又寫稿, 又見客又搞talk, 又賭馬睇波.......十萬九千七樣野...
今年目標看少於50場舞台劇/錄像., equivalent.
要挑剔一些.
係開始有點悶...重複...
也因為自己的視野狹窄, 睇吾到更多.
多些出去外地看劇, 希望有surprise, 至少確定今年四月會去台北; 澳門藝術節都繼續會吧.
吾知新加坡會不會有機會呢? 烏鎮不算方便, 真係要好吸引才會去.
暫時未見到會有去英國的可能, asia miles 有排都未夠.
收下把口.
輕輕地檢討, 去年十二月兩單野, 我真係手痕厚多士.
睇完咪算囉...講乜啫...鬧又吾係鬧...讚又吾讚...冇立場.
不過, 我仍會寫垃圾.
減15磅.
學一門新技能.
溝女...反而冇諗過喎...
福山雅治條件咁好...靚仔, 斯文, 博學多才...
最後咪又係鍾意E奶...生理本能主導...
(關咩事呢....又同我有咩關係呢? 我又吾冧佢...)
嗯...想說...踏實生活就好.
再去多些旅行...日本, 台灣...
今年應到我去兼六園喇掛, 去年三四批人打卡.
看看有沒有可能去一次泰國.
將來退休實地考察都好呀...
香港越來越陌生.
祈願她今年過得好好的.
今天應該要返工吧.
開工大吉, 事事順心.
去年寫new year resolution抄過的.
今年仍啱用.
Even if we are busy, we have time for what matters. And when we focus on what matters,we can build the lives we want in the time we’ve got. 即使再忙碌，我們仍有時間做對於我們而言重要的事情。當我們專注於這些重要的事情上，我們其實是在用我們有的時間過我們想要過的生活。
(ii)
兩晚 18 萬 yen.
住在那裡, 自我感覺應會好良好.
睇啫...冇錢住.
呢個集團先似高檔精品酒店.
https://www.hoshinoresorts.com/ch/resortsandhotels/hoshinoya/karuizawa.html
(iii)
草間彌生博物館...
使吾使咁快爆呀...
(iv)
吃了三餐羊肉後...
開始有點厭...
仲有半條羊腿呀...
(v)
鬼怪小說 Page 200.
原來韓文中, "五百" 和 "告白" 的發音相近似.
我即時摷銀包.
我有 4張 五百蚊紙呀...
即係...我今年有四次 "告白" 的機會!!!
我行桃花運啦...終於~~~
我係大迷信...
讀鬼怪小說時的無聊行為.
(vi)
3/1/2017
新一年第二天上班，已忙到OT，十二小時辦公室工作。
在家工時另計。
不過都算執到啦，仍可去美心吃飯，不用吃老麥。
好煩，辦公室政治。
保監擺明係吾會俾做sales 的去做CE，仍然搵那條友，現在係盞搞，遲早又搵我寫信跟保監認契弟。
都吾明點解要浪費時間，保監都係打工咋，你又邊位呀，你吾姓李都要姓馬吖，咁先可以攞waiver。
煩，數月後。
頸肩又扯到很緊。
祈願她身體健康，無病無痛，工作趨吉避凶，遠離政治以至一干癲佬癲婆。
(vii)
定居在紐西蘭已幾十年的細舅父回來探親食飯。
前數天他約了姨丈一家食飯。
八個人吃了8000蚊，主要叫了東星斑乜乜乜。
當然由細舅父埋單。
我聽到都肉赤。
大家都係普通人家，若心知由一人埋單，都會就住不吃貴價菜式。
那家人的德性，是這樣看出來。
所以我不會，亦不想花時間應酬親戚就係咁解。
咁我呢...星期五到我喇喎...
一聽話佢話想吃素, 就揀 "居素屋".
我記得係食set, 冇極品乜乜菇食那種...
五個人...大概知食幾錢.
到時我爭埋單 , 不幸地?! 爭贏左 (應要爭贏的, 幾十年前, 他對我們一家很好), 都有預算.
不過, 幾年前食過, 日式素食, 係夠清淡的, 乎合我心中的素菜形象.
好怕成堆油調味的芡汁的素菜...
而食得齌, 就咪鬼食素叉燒, 素鵝啦...
沒有留言:
張貼留言