雖然仍然不滿新任律政司司長在僭建上的處理, 怎麼不在上任前弄妥.
這是常識.
不過, 看到她被指具專業資格乜乜乜, 又寫過書乜乜乜...
我卻有點同情佢.
大家中學初中讀過三年 science 啦... 香港夠推行九年免費教育幾十年啦...
"H2O 呢種化學物會不會致癌?"
咪一樣有人答 "會."
大把金融人考完乜乜專業資格, 商科畢業, 或者財金教授乜乜, 咪一樣有大把人話bitcoin係貨幣.
寫書喎...
你老闆上個星期篇演講辭邊個寫架? 秘書囉...用佢個口和名出之嘛...
老細出書,真係老細寫????
咪玩啦...第一日返工呀...
我老細夠吾識 "fiduciary " 呢個英文字, 寫信去監管當局果陣, 咪又一樣咬牙切齒話對投資者有fiduciary duty.
鬼咩...我寫架嘛...
佢買屋時, 吾識, 冇睇, 係可以接受.
考完專業試就算啦, 邊個會記得內容. 你會仲記得上次專業試的內容咩, D 多次個financial function 個2nd derivatives 出嚟, 十個CFA , 有一半已吾記得點D , 你估好出奇呀....
佢真係熟書, 會上心, 咁佢就吾係坐老闆位, 而不過是一個做實務的中高層.
這是ugly truth.
世上的高層會落手執行實務的, 真係好少.
升到高層, 佢的價值體現不再是在實務運作, 而是管理, 人脈和視野.
你估四叔識用水平尺, 去度下恒地啲新樓地台夠吾夠平咩...那個叫紅衫詹sir呀...
但若講出來, 世上所有高層的專業權威便一文不值.
(ii)
竟然原來曾有這同台演出...真的很驚喜.
劉小姐和 Kiroro!!!
我很懷舊.
不過, 鍾意這個版本多些.
(iii)
11/1/2018
會不會和同事夾錢買六合彩呢?
間吾中, 純粹是當聯誼, 另類善事.
剛開了過億元彩池的一期.
核對彩票照片.
人人夾100元, 1000多元, 就可以買吾知邊款咁...我吾係咁上心了解怎買六合彩.
嗯...總之...我明天繼續番工呀...
看網絡有味笑話, 大意是,
若想中 1億, 可叫男友射俾佢.
(iv)
12/1/2108
周日會不會去投票, 即飯民初選呢?
應該吾會, 除非有人踢得郁我....
但係, 呢個世界可以令我特登去那三個投票站, 仲要自備住址證明....的人, 數三隻手指都嫌多...
看到馮生的宣傳片...
拍得好差!!!!!!!!!!!!!!!!!!!!!!!!!!!!!!!!!!!!!!!!!!!
我指鏡頭取鏡角度, 分鏡, 唸對白的節奏, 神態.
同埋呢...樂壇李克勤, 政壇馮XX....呢句soundbite, 真係吾知點...
咪當人人都留意娛聞至得架...
寫手的又寫錯方向...
樂壇G-Dragon, 政壇... , 咁先潮啊...
同埋, 在有限的演說時間裡, 又樂壇, 又足球前鋒...好混淆囉...
都係吾參與就算, 吾好講咁多.
佢好似仲未明, 做區議員和立法局議員, 在能力要求, 政策和社會視野, 政治手腕的分別.
佢做區議員OK 架, 其實.
(vi)
12/1/2018
我係公司果時, 覺得仲凍過係條街.
有圖有真相.
我係條街到, 吾使用毛巾暖膝.
我係著住羽絨, 拉埋拉鍊做野架!!!
明天出街, 真係買條毛毯.
我吾係吾知騎呢...只係冇精神去理.
聽講, 遲啲有條女也搬入來坐.
咁無謂俾人以為呢到係桑拿浴室, 有條麻甩佬圍浴巾.
條女咩背景? 入得嚟做, 佢個腦已經證明左有問題架啦.
講開腦...
前天買了一個2.5 L 電熱水壼,
省回行去茶水機斟熱水的時間...
拍卡開門好煩架...
推遲半秒, 道門又lock過...
" 斟水, 可斟水機啲水, 佢有過濾過, 感覺上好啲, 班經紀話甲由果啲野, 邊會真係和啲水有關."
我 : "你當啲甲由傻架咩, 成條發熱管咁熱, 佢邊會吸果啲水, 鬚都溶埋, 佢係都係吸冷管外凝成的水滴啫...你估啲甲由好似出面啲經紀咁蠢架咩"
"你講野可吾可以吾好咁mean?"
(vii)
記得看鬼怪時, 有一幕是鬼怪消失歸於虛無時, 那本愛情物理學的詩集出現燒焦書頁的畫面.
看小說時, 不由得刷幾根火柴做實驗.
結果係咁架...
K-drama 美工好掂, 燒書都燒得靚過人.
實驗失敗, 也沒有道理在本小說咁燒...
(viii)
透過朋友老公訂安室的內部飛.
好貴...2080 一張, 還要不是最貴那區, 也未計手續費.
貴過看陳慧嫻.
不過, 有今次冇下次呀, 除非俾我買到台灣站的飛啫...
希望佢今次真係會唱 Can you celebrate.
是青春的情意結...
所以, 真係吾好再亂買舞台劇飛.
(ix)
朋友去台北旅行.
見食物相, 去了大安區的 "甕也" 吃燒肉...
流口水...
同埋, 吾係好貴喎...
仲有人燒埋...
也想去松竹園吃雞...
可惜...交通隔涉, 吾包車去, 真係吾會去.
但冇理由一條友包車架.
這些, 對於已眼闊肚窄的我來說, 都係得個望字.
得呢間酒吧, 貓下去敦北俱樂部, 可能有機會去.
但係, 多人去, 才試到那裡有幾怪雞的飲料.
都係睇健吾好, 啱獨行客.
(x)
網上看到的,
失敗乃成功之母.
所以成功靠父幹.
(xi)
14-1-2018
未見過的堂兄下午家訪.
現在才知道的家族史.
上一代長輩幾乎已死光光.
堂兄弟姐妹原來不多, 也有好多已去左賣咸鴨蛋.
家鄉原來在新會及台山之間, 成條村都幾乎是同一個姓.
有人地方就有爭產, 所謂的祖屋都賣了.
冇人成為大地主, 富豪...
即係, 亦是重點所在, 碧桂園那家人, 和自己十劃冇一撇, 不能認親認戚...
雖然已六十歲的堂兄不是有錢人, 但生活還應算托賴吧, 所以佢塞左五百人仔給老父飲茶.
五百人仔, 不是五磚人仔, 前者比後者少好多, 但情分卻更難得.
已十幾年冇見啊...好熟呀...
忽然覺得那六舊水有重量, 是舊時那代人念舊, 感恩的處世態度.
有時候, 物輕情重, 就是這樣子.
朋友面書, 曬果皮, 雖然 三十年果皮, 應該好貴, 但焦點卻是字裡行間, 對父母愛惜感激之情.
這些我會覺得感人...
(所以吾好話我成日看戲, 看舞台劇冇感覺, 只係佢地吾夠得啫.)
我呢啲年紀, 在1989 年點會去買果皮來曬...點知幾十年後, 果皮過萬一斤都有...
(xii)
我終於知道去年啲網民話, 金銑在高麗時代見到初戀情人講乜野啦.
原來, 佢那時在麵店見到的老闆娘, 就係女主角的班主任前世, 佢看老闆娘今世時看到成班女學生, 當中就有女主角.
男主角第一次見到初戀情人在高麗時代, 原來係咁解.
---------
終於看完上下兩集小說.
看了小說, 才知道取景, 揀個靚景, 搭個靚景去拍, 真係錦上添花.
沒有魅北克的景, 沒有大雪場的景, 沒有冬日初雪的櫻花景...
係有分別架.
邊個負責在電視劇裡揀景來拍攝的呢?
想來, 佢地係好堅, 作家寫野, 點作都好易, 但要變出佈景來, 卻一點不容易.
btw.
嗱, 我真係吾係咸濕呀吓, 女既野, 有咩未睇過, 使乜特登要看電視睇.
我只為大眾謀福利...為女士謀福利...
孔劉呢幕去到尾, 應全裸喎...至少背後全裸啦...
呢一幕真係跟住本小說去拍, 當年直播, 以香港標準, 應衝到上60 點收視.
師奶也暴動!!!!
佢地啲老公, 十個有七個大肚腩架...睇下型佬FF吓, 犯法呀...
重讀小說, 腦裡想起那時看電視的畫面, 仍然有一點溫暖.
呢排都吾知有乜電視好睇...所以你都見到我冇一邊看電視, 一邊再發嗡瘋.
(xiii)
終於吃完.
暫時不想再吃羊...
其實, 我今年應去學煮野食的...
不過呀, 洗碗善後, 真係好煩.
今天還好, 暖番啲, 若大前天, 真係咪叫我洗碗.
昨天, 把一袋舊物, 當中有舊相機 DSLR, 交去社區二手店, 看看那些人有興趣要.
社區二手店, 怎都會標價平過在二手相機店吧.
看到職員在執拾一大包一大包舊衣服, 大概是近日天氣凍得很, 準備把它們送給露宿者吧.
雖然天氣暖番啲, timing 好似錯曬.
想講乜呢, 舊相機已有多年沒用, 自己留著又不會用, 希望佢會遇到好人家.
那些年想學攝影自然又半途而廢.
去年想過又學, 但最終不了了之.
一來器材貴, 若認真, 使十幾廿萬是最基本, 我不想花那麼多錢.
重點係, 我明白到我吾係那些會為了影靚相, 拎一大抽器材出街的那種人.
太重了...
我的興趣是攝影主角及構圖之類的東西.
沒有留言:
張貼留言