早陣子, 侷住寫 compliance manual , 心知是垃圾...但近來的跡象顯示, 應可以過到骨.
難以置信, 我份野應攞去賣, 執十幾萬都有可能.
講啫, 我知那份野真係吾見得人.
點解會覺得過到骨?
因為我要寫作另一樣野囉...
死未...
我有排煩和OT.
律師費, 慳都吾係慳呢啲啦...
輸一次官司乜都夠冚.
都吾明上面啲人諗乜野...
我有冇壓力?
冇乜...預左衰梗架啦...
要生的氣, 那次已生過, 麻木.
我識28 個英文字母, 就代表我識英文, 識寫合同咩...
(正確係 26 個囉...)
阻住搵食.
真的要早日離開.
所以呢, 啲人想批就會批, 吾想批, 啲野寫得幾齊, 都係會留難你.
吾係, 咩叫做官威.
(ii)
有咩人會自己俾錢買部電腦返工用?
應該有不少.
我係其中一個.
現在 電腦specifications 讓人很頭痛...我跟不上, 也沒興趣研究.
也只能像盲毛咁, 買個合理水平再好少少, .
譬如, 軟件要求是CPU 是 i3, 但公司用 i5 都跪低, 咁買的時候就i7 囉.
我係知 i7 是over左架, 但都好過將來再搞.
咁就吾見7000 幾銀, 肉痛架...
我懷疑公司原廠機, 俾上面落格, 某高層個底花左, 曾食過夾棍架.
但長痛不如短痛...
真的好影響狀態和信心.
雖然不是有錢人, 但卻覺得應奉行應使則使的原則.
其他地方省一點吧.
很久沒食 fine dining, 至少香港不會.
但像上周六, 煲仔飯, 平平地, 也好吃啦.
(iii)
26/1/2018
昨天看了聊齋.
所以是今星期第一次準時離開公司.
但依然相同的累.
3個多小時的舞台劇啊...
幸好, 對白的語速沒有心之偵探那麼緊湊, 看起來不算太累.
內容也不算極多, 沒有被劇內的訊息轟炸到頭腦 hang 機的地步, 像心之偵探, 機場無真愛.
如常, 不是太掌握到戲的主旨是甚麼, 想表達甚麼.
張艾嘉, 王耀慶, 的戲很好.
張小姐現在雖不是常演戲, 但沒有生疏, 神態表情, 節奏, 真的交足戲有餘.
特別是錄像裡, 雖看佢的老態如皺紋, 明顯比王耀慶年老, 但卻會覺得靚, 特別眼睛的明亮, 是生命給予的禮物, 亦看到她的戲很好看.
女人, 老了像她, 也不錯.
嗯, 我以前喜歡過的人, 她老了的時候, 那種優雅和美, 多半就是這樣子.
如果張小姐和毛俊輝合演一台戲, 演關於夫婦的劇種.
單是想想, 也覺得是無敵組合.
未做過 水療spa , 如果有路嘉欣及葉麗嘉的服務員, 我一定會很開心.
(iv)
26/1/2018
換了電腦後, 還是會跪低.
打去技術支援, 他們說只有我有問題, user random server connection 喎.
換埋lan 線, 都係有問題.
搞搞下, 自己搞到連軟件的使用者設定都消失了, 要重新排過版面.
搞了幾日, 好影響表現和感覺.
不過靜下來想一想, 吾可以咁, 咪不用那些功能, 在另一部機補回囉.
今天平穩過渡, 電腦暫時沒有技術故障.
但上面卻在自己最不想被打擾, 最需要專心的時間, 追問咬住好無謂的問題.
(我點撚知那家人, 老爺賣咸鴨蛋廿幾年, 阿叔同和姪就玩了廿幾年溏心風暴, 搞到依家搞乜鬼, 俾佢地搞到大把半山豪宅十幾年吾賣得, 家嘈屋閉嘈到更加發達, 我又吾係姓X, 你問我都冇用架, 我點可能知那家人點解把持股由A公司搬去B 公司, 你咁想知, 打去問佢地囉, 我知的都係public information囉.)
又不是不做, 卻要在阻人搵食的時間要人做. 知道又點啫...你都冇action可take.
問我係吾係準備賣盤, 我答係, 你又覺得我耍你, 我都冇fact 去support, 答吾係, 你又吾係想聽呢個答案, 我話吾知, 你又覺得我懶.
結果, 度好曬啲計劃, 估到今日炒恒基又點啫, 又沒有合適的timing 和狀態去執行.
不是不氣餒的...
總是差一步, 做好了, 穩定下來, 就可以離開那裡.
回家, 喝一杯咖啡減壓, 我揀了這一包.
晚些, 再去做一會運動.
(v)
26/1/2018
今晚本來和朋友去 pp 吃 dim sum library 提早慶生.
不過, 朋友的老貓卻在今天下午過身.
飯, 當然要取消.
我雖不是甚麼好人, 但又未至於不體諒, 自我中心到那地步.
雖不吃飯, 卻在佢家樓下交收原本要交換的東西.
兩包咖啡包, 給佢個仔的過年利是 (基本上認識的下一輩中, 我只給他和另一個人, 畢竟, 我係毒L, 吾派才是常理) , 兩盒薯片.
我則收到威士忌, 香水, 沐浴露, 茶包, 生日卡.
在見佢之前, 我曾想怎安慰.
最後, 拍拍佢膊頭, " 吾開心既時候, 記住要喊出嚟..."
又一年.
(vi)
26/1/2018
祝福她好好的.
至少, compliance 不要找她麻煩.
她已是超人了.
累了, 就真的先去休息.
多喝暖蜜糖水潤喉, 戴頸巾保暖, 別忘了做肩頸膊肌肉伸展放鬆, 身體要緊.
反正OT 不會完, files 也繼續堆到頭頂.
有點想給她幾包咖啡包減壓.
"Life is short. Surround yourself with good people and only drink good coffee"
不是打氣加油.
黎明講過, 明明踩盡油出盡力, 還被叫要再加, 那就是想人爆炸.
(vii)
26/1/2018
忙, 所以近來沒心機理去旅行的事.
當然, 也沒時間去兌日圓.
早前, 兌美元穿了去年十一月的底位, 已知last call 要行動, 但就是提不起勁.
依家...等佢彈一彈囉...雖然都知就算彈都不會好多.
反正我呢啲窮鬼, 兌得幾多日圓啫...
至今唯一想訂的餐廳, 日本酒店成個星期都不回覆.
我知, 代訂是人情, 不訂是符合約精神.
但做吾做, 通知聲都得卦.
你估我叫你幫我去麥當勞訂位咩...
我知佢應該不是最好, 只是有感情, 上次來東京便在這裡吃午餐.
這是在香港吃fine dining 吃不到的放鬆心情.
http://www.esquissetokyo.com/en/lunch.html
(viii)
26/12018
近來聽AGA.
佢唱英文歌, 自然, 好聽過中文.
我吾係太明中文歌詞寫乜.
Long Distance, Bad Day 都幾好聽.
(ix)
27-1-2018
真的不敢想像未來修憲後, 那條粉腸可以做一世, 香港怎挨落去.
成長歲月, 是要去做一個自由人, 現在卻只能做在沒有自由意志的畜生, 要人怎可接受?
只能咒那粉腸早死早著.
所謂行政長官, 也不過是那種會有事就拖, 拖夠鐘可以閃去開會, 等人們嘈完才回來的AO最叻的自保把戲, 缺乏承擔的無恥.
(x)
網上有人質疑選舉主任的打倒昨日的佢.
心情有點複雜.
我覺得, 佢都吾想, 只是打份工, 而做慣公務員, 守慣規矩, 聽慣指令, 點會違上面的意思?
佢不上面書都知佢咁做, 實俾十幾萬人在面書屌啦.
在政府機構久了, 不少人都會變成咁.
家人近一年對住一個PK 上司, 但打了幾十年政府工, 又點會敢反抗., 97前的薪金福利退休金可是優厚啊, 現在才轉公營機構, 減薪減到....
同佢講, 真係忍不到, 要做啲野反抗, 那條PK 都係公務員, 你都可以兇佢整花佢個底, 佢幾年後退休, 佢都驚衰架. 但就是不會.
若主任跟上面反枱又點啫, 只得一時的掌聲, 人是善忘的.
你記得港視事件, 那位講真話的巿場研究總監的名字嗎?
十個有九個九, 應該忘了佢個名.
是伍小姐.
所以不能怪那位選舉主任.
只是人性的弱點, 我們都不夠堅強, 願意犧牲.
所以, 政治領袖人物, 係吾可能從公務員找到, 越高層越無做人的底線.
(xi)
27-1-2018
搜尋了一個下午.
還是沒有結果.
自己不懂寫程式, 但又需要一些實時數據分析.
退而求次, 要API , DDE 出收據 excel.
但並不是每一家都肯開放數據源.
網上有一家供應商, 要開某數家的證券股票戶口兼申請串流報價服務.
錢, 不是不肯俾, 而是覺得奇怪.
佢地只收一次的費用.
聽落係好抵, 俾幾千就可以拿實時數據, 每月只需再俾幾百實時數據費用.
但違反長收長有的基本商業原則.
佢地收了一次錢後, 以後食西北風呀?
所以懷疑是沒有授權, 去改動拿券商的實時數據輸出.
用用下惹麻煩, 燒埋其他人那疊, 是過了自己的底線. (邊個會用自己名開戶口?)
所以呀, 女人不要老是想幾時同男人結婚, 結婚證書的保障效力不及萬惡的金錢.
如果你個男人做金融, 吾肯同你結婚, 但肯擺好多錢落你到買賣, 係穩陣過那一紙證書.
學買樓術語, 女友筍過人妻.
講分手 , 佢仲驚過你.
男人話, 女人未到八十歲都吾好俾飽飯佢食.
女人話, 男人未到九十歲, 都吾好俾番股票戶口啲錢佢.
這不是我想像, 好多人真係咁.
早陣子, 公司裡有很多同事跟著誰誰的交易活動去買股票, 跟住全部都坐曬艇.
不過有一晚OT 夜走, 我八卦找盤房同事, check客戶紀錄, 係冇一個人名屬於那些同事, 但我又幾肯定是在公司戶口買, 睇 webbsite 冇得呃的.
再想想, 自己其實想要甚麼, 想要怎樣的結果.
沒有留言:
張貼留言