Voyage 22

(i)

28-1-2018

畢明話 Three Billboards Outside Ebbing, Missouri 好睇.

咁真係幾好睇.

"執念, 仇恨, 生活裡的不可控制預知, 生活裡一直的不如意失望在突發事中被引爆的渲洩." 是自己想到有關這電影的key words.



故事裡, 很多角色人物均有好有壞, 良善和醜陋的一面, 顯得很人性化, 並非分明, 情節也不容易估.

自己被Chief Bill Willoughby 寫給Mildred Hayes 的信 faked左, 以為真兇真係酒吧偶然捉到.

 Officer Jason Dixon 最後拿槍, 好容易陷入佢會隊冧犯強姦的軍人的推測, 但結果卻是未知.

Willoughby 對Hayes 的報復, 以彼之道還施彼身, 挺精警.

也喜歡一些鏡頭的處理, 譬如 前夫動粗時, 兒子阻止, 會見到兒子手上是拿著一把刀. i.e. 兒子對處理這種事好有經驗.

Dixon 戴上耳筒而遲了知Willoughby 的死訊, 為後來縱火一幕而反應遲純給予伏線.


沒有明星, 但扎實好看, 睇早場抵睇.


(ii)

28-1-2018

看了玉女獎門人演唱會唱美少女戰士的視頻.

從不是玉女的門徒...

佢不是自己喜歡的類型.

所以, 不會看到wi wa 鬼叫好興奮.



果然一貫玉女風格, 即係, 演出效果吾會好突破.

不過都好呀, 反正都是懷舊.

也不容易呀, 能keep 得那麼好.



如果, 可以睇中女扮演 cosplay.

我反而會想看上次喜歡了的女子, 她穿上 Gal Gadot 那套Wonder Woman的戰鬥服, 或者初到倫敦換上那套顯得很英氣的大褸裝束.

正架, 真係.

你估我仲係見到女就想"目及"的年紀咩...

我有好高要求架.




換了是她穿, 一定靚過Gal Gadot.

想像吓啫, 我知冇可能可以看到她著成咁.

她就算穿, 我都沒機會看到.

(iii)

28-1-2018

去年開始多了做運動, 開了健身會藉.

開始的時候, 比較勤力, 一星期三四次.


來到最近兩個月, 一星期最多兩次, 還要是周六日.

平日放工, 真的冇心機和很累, 我真係幾乎日日返八放七架, 有時八至八, 回家會再做一會.

所以 最多只會在家做15分鐘, 舉下啞鈴, squat, 踢腿鬆筋咁.


這樣的結果, 好正常呀, 好合理呀...我係香港人.



今天做最後一課健身massage, 也許臨別秋波, 教練比較用力.

把我上課前吃的一碗米線都想按番出嚟.

俯臥, 用上重量壓後腰, 背脊...即不斷間接擠胃腹空間.


開始時, 差些把胃裡的米線都噴番出來.

當然, 我即刻閉口忍住.

但鼻孔不會...所以係有少少湯水噴落按摩床洞下.

咁樣衰既野, 梗係吾會同佢講.



健身課程雖不會再上, 佢地亦已沒有再游說.

但做運動, 真的是好的.

特別是人到中年, 天天做十分鐘也是好的.



我仲未冇記性到, 忘了今年的宏願, 減15磅呀.


(iv)

28-1-2018

我的韓劇首席情人, 我的虛擬世界至愛,  李寶英,  有新劇播了.

又做阿媽角色.

你就算做人阿婆, 我都係那麼一分鐘熱度愛上你.


電視劇未得閒睇...

但看收視, 好差吓...

要諗諗.

我鍾意Gal Gadot 定李寶英架?

我兩個都鐘意!!! 一個美國, 一個韓國, 吾同國藉族裔, 沒有衝突呀...

佢地都有幾分似自己以前鍾意的女人類型.

所以, 我係吾會偏心佢地兩個其中一個架. (講到好希罕咁...誰要我偏心)

大愛呀...呢個世界講大愛呀.


(v)

28-1-2018

明天周一了, 又繼續長時間工作.

有時候, 我會想, 老細有事就搵你, 係吾係認同我的辦事能力和效率?

我知公司好多人做野,  明明好簡單的野, 都會拖一會才做完.

正如那個CEO,  俾張垃圾資料嚟對我講, 應該對寫備忘錄有幫忙, 講一大輪可以參考, 又叫我可以從中抄一些, 希望有用, 雖然吾太relevant, 係網上找到呢啲啫.....

以上對白loop 5-10分鐘, 完全冇內容.

好想媽叉佢, 放低張紙就走啦, 咪住阻人做野....你又吾寫, 又吾識寫, 係到扮有領導才能, 俾方向框框指導我寫.


看到有些人, 因為得到別人或客戶信任, 有事時會首先被想起, 所以才工作忙碌, 不停OT.

辛苦, 但別人和客戶會appreciate.




我, 都想咁, 咁覺得自己的工作有用啲, 即啱啱畢業時, 啲HR 會話要從工作中找到意義.

但現實係, 上面順手, 用得吾好曬啫, 反正又吾會俾多啲人工...


(vi)

30-1-2017

一係win , 一係牆紙total loss, 所以買得好少好少錢, 夠一餐飯咁囉.

但挺滿足手痕的慾望.

常覺得買末日option, 好過買六合彩.

機會率高啲, 有技術含量一點.

好過和同事夾錢買六合彩.

是呢, 是不是有人真的會買部玩具攪珠機去填六合彩?

(vii)

30-1-2018

OK la , 咁既價錢, 吾可以expect 飲到禪味出嚟.

即係, 我係吾會飲到, 見到李寶英著住韓國民族服裝, 服侍倒杯威士忌俾我.

小酌放鬆, 飲完訓,  感覺真的挺好.

晚安.

(viii)

31-1-2018

面書的低調與高調.


去年, 大學同學拍拖, 佢大概dry 了很久吧, 也大概男方也是很熱情勇於表達愛意的人.

於是佢面書經常出於男友示愛放閃的post.

閃到...我頂吾順...我又吾係睇韓劇, 吾係觀眾,  我係睇面書呀, 我係毒L , 你閃我把鬼呀...


來到今年, 靜曬...


有幾個可能,  佢地低調番, block 9 曬放閃post, 吾俾我睇.

Well, 我不介意, 佢邊位呀...個個unfriend 我都吾開心, 我咪好吾得閒.

我試過一次難過已好夠.

但更大的可能是, 散左囉...



以前的色士風導師, 今日宣佈單身.

大概暗示離婚吧.

時間真係過得好快. 我識佢時, 佢同前男友一齊, 我請佢食野, 俾佢條仔咬 (我好記仇, 條友都痴孖筋, 家陣係你條女成日空肚到夜晚十點, 你吾買野俾佢食, 仲係到搞九我)

我就快吾學時, 佢同前男友散左, 和現任丈夫開始噯昧.


佢的一段婚姻從未開始到結束, 到將來第三春...

在愛情世界的周期,  一直走得快過我.

鬼咩,  我的感情生活似政改方案, 原地踏步.

但佢其實和我同年,  佢的幾年感情status 轉變, 等於我的一世, 以及下世, 下下世.


有些人會走得很快, 有些人會走得很慢, 也有些人會一直原地踏步.




無論怎都好, 都要勇敢去面對, 並坦然接受, 給自己找生活.

講就容易呀, 我仍在練習.




怎都好, 感情事, 在面書裡低調處理是真理.

除非去到離婚呢啲野, 在面書出一個post, 會好過重複又重複地逢人就要講一次.

不斷對全世界人說 離婚/分手/婚事告吹/家人過身 ,  對當事人是一種折磨.

希望佢都地OK 啦.

雖然好難OK.


(ix)

1-2-2018

一月過去.

看那份比上月長了一倍的trading record, 在excel 報表圈點那一單單, 那些是以前不會做的交易.

見到自己的改變.

雖然, 現在炒內銀都係輸的多.

939 變細價股咁跳, 都痴孖筋的.



二月第一天, 差不多準時放工, 吃過飯, 回家倒頭睡到九時才醒來.

今天是星期四嘛.

好多人來到星期四都好想死.



每天都在做選擇,  做錯了, 瀨左野, 便要想怎去補救, 面對及接受, 沒時間抱怨.

在面對的一刻, 情況比the worst case scenario 來得好一點, 又會覺得世界還不算太差.

要還神.

自己還不夠強大.



剩餘時間, 真的沒心機兼顧他事.

我又不是大人物, 為甚麼都還忙和累成這樣.

只能說還不夠有效率及條理.


再想想.


(x)

1-2-2018

朋友養的寵物在這幾年間陸續離世.

都是高壽.

理論上, 第一次最痛, 第三次相對坦然.

實情卻是對調, 今次來得很傷心.


以前 "沒有那...還有..." ,  現在 , 真的沒有.



早些年, 曾養過金魚, 後來給父親養死曬.

那時候, 也有過不開心.

去魚米家食米線, 我又不會對住條魚傷心.

大概是小王子所說的 "tame"的道理.



近來很熱的佛系寵物遊戲, 大概就沒有這種痛吧.

然而, 這卻是不完整的感情.



話說回來, 我都算走佛系路線.

有中女會對佛系中年, 即係我,  有興趣嗎?

我好易被包養照顧架, 每月課金9個8港紙 (抵過健吾的飲食group) , 已可領養我.

我除了會旅行影相, 仲會調轉頭, 幫你洗廁所(包執屎鏟屎) , 開金寶湯罐罐, 煲ABC字母羅宋湯, 你吾使買貓咕臣俾我, 我訓紙皮箱都OK架.

毒L 變佛系,  我的形象似乎光鮮和型格一些.


(x)

2-2-2018

今晚看了舞台劇,  灼E的X晨.

劇本的用字, 敍事手法造就了跟觀眾疏離的效果, 冷眼旁觀當中的角色.

文字不錯,  雖自己不能跟劇本有共鳴和溝通, 不覺得劇本很吸引和有力量

但也不是去年看過那些新編劇般賣弄玩野, 不會亂Q 咁故弄懸虛,  穿插時序事件去敍事.

場刊XX總監的話, 推許為本地需要的"挪威的森林" , 若說到那樣子, 卻是自抬身價.

可以一看, 但不是非看不可, 感覺有些角色未算完整.

演員的經驗尚淺,  有些明顯不擅形體動作,  節奏和配合可以做得好啲.


若不用形體動作,  在沒有甚麼動作下, 整齣戲是很dry的對白台詞.


舞台設計, 感覺未能好好運用這個set. 上下兩塊板, 開揭之間帶來的效果, 雖估到一些似八卦算命盤之類, 但不算明顯, 並有一點累贅.

算啦, 都係吾好講咁多.


(xi)

2-2-2018

好耐沒有見夜期咁跌.

好彩沒有再買700, 2318 , 內銀 call 過夜.

星期一若被人連續打靶,  真的咪話吾傷, 有排追數.

吾使輸, 就當自己贏, 好阿Q精神.


希望大陸佬吾好驚青.

佢縮吾肯托, 其他想沽得就不能慢慢沽

變左鬥快沽...人踩人...

可不可以學大陸名句 "別讓北水(李嘉誠) 跑了, ...升巿攞曬著數, 有錢賺盡...etc 冇道義"


(xii)


3-2-2018

今天替朋友訂了下月生日送去佢公司的蛋糕.

這習慣已有八九年吧.

大概上了年紀, 覺得好的餅店繼續用, 懶得再去發掘新的蛋糕師, 繼續給近乎惡搞的概念讓對方設計.

誰想到, 有一年, 我嬲那些曲奇, 嬲到爆炸呢?


想來,  又好像得到生活的感悟.


今天, 亦是朋友把已過身的貓火化的一天.

美其名, 讓牠去冒險的開始, 令自己不要那麼難受.

下決定終結牠的生命, 總是艱難的.


把兩件事合在一起, 自己想的是,  生死循環.