Cheeky pasta
早陣子行過，在這裡吃水牛雞翼作下午茶。
幾好食，重點夠熱。
近來理髮後到這裡吃肉醬意粉，再加一份雞排和可樂，也好吃。
不過差不多要90元。
這屬於中環午餐價錢，份量不是多，在街邊檔來說，當然不能歸類便宜。
味覺怎不靈都好，都吃得出肉醬的蕃茄是新鮮貨式，貴是有其道理。
希望佢地生意會好一點。
(ii)
6/1/2017
昨晚和細舅父吃飯，成晚聽佢地講陳年舊事。
變了真相復和大會。
聽他早年帶著懷孕的舅母到紐西蘭生活，一人打三份工，被炒魷死lur才沒事；在外地被歧視，省儉才挨過來，做了一輩子外賣店，現在三個子女成才，生活無憂。
然而，習慣了節儉，搵錢是很辛苦，所以本身不怎捨得使錢，來到香港也只是住二三星級酒店。
(8000蚊餐海鮮飯，對他而言真的好X 貴，佢做幾多個外賣先搵到呢。好彩我果日OT 夜回家，吾係去左，我又會變左生果報標題人物 , 即係 "好外甥款待遠來親戚, 慘被生劏, 悲悲悲 " )
又講他怎教子女，開明得來也講原則和規矩。
所以，好難教出品行差的子女，身教是最重要。
so, 香港其實好多人不應生兒育女，都沒時間。
又再講陳年外公那家怎對他不好，所以他在香港其實沒有親人，也不愛香港。
佢話我地呢啲已好好，請食飯又買餅乾冬菇。
唉...大家咁話啦...
我地都吾鍾意那些親戚, 所以才會是親戚中關係比較好的.
敵人的敵人, 就是朋友.
乜都好, 吾好講錢講利益, 感情關係才會好.
問心，他的遭遇其實不算過份，仲仆街的親人都有。
所以，他其實有點單純的。
不過都是命運吧，單純的，也會有他的際遇。
(iii)
居素屋食物質素keep到，雖三年冇去。
侍應服務仍友善勤快，也會介紹那些素壽司其實是甚麼。
咁我彈乜呢?
上菜...
侍應係會一次拿五人份, 企我對面時飛象過河, 彎身放低碟set 給我, 好有茶記feel.
和那些精緻和食很不夾mood.
放慢一些上菜, 分兩次就好, 反正吾趕.
(iv)
sales 會話俾車馬費, 要寫篇見客報告.
即係...咩囉...但又俾得幾多呢...我有照鏡..知自己咩料.
表面上話可以寫乜都得...
但若不是真心膠, 只能寫好.
要不, 寫來做甚麼, 到時人地一句吾啱用, 就真係白做.
吾知隨口講定嚟真呢...
我挺想佢嚟真...
那樣子...我就可以篤佢出嚟...頂證佢.
擺明反面, 以後少了麻煩事.
有啲人, 真係同佢反面, 先可以清靜.
那個一見人就話自己曾在美林做過去充撐場面的sales，真的很討厭。
見我張卡片不是senior，就全程只望住我同事講野，更加討厭。
他連這裡的文化都未搞清楚，只認title看人。
佢仲未知老細張卡片的title，在今時今日係會俾人以佢都係打工仔架!!
所以，我見佢咁ON 9，先吾驚佢。
我都睇人反面架。
下次去印卡片，加番個senior 先，有備無患，反正係冇!!人!!理!!
平時都係用張細的，呢啲sales以為要搵個話到事的...
即係吾會搵我, 搵我同事吹水.
yeah.
看到job title 比我和同事高級很多的同事苦惱怎應酬那個sales.
我和同事雖做打雜, 但在公司的重要性比佢高, 所以係有guts火上嚟爆seed "吾撚寫".
自己早已熄了在career path方面的發展的心.
忽慶幸自己想走的路和佢很不同.
我會見到雖很慢, 也很困難, 但可朝著自己想走的路而感到踏實.
知名度和地位, 其實很虛無.
在 job title hyperinflation 的年代.
要更快進步，早點離開這裡。
(v)
有得訂...即訂20包.
大概一半自用, 一半給朋友.
不能訂太多, 因為放太久, 香氣會散失.
係好飲架, 開封已知好野, 好香.
越來越喜歡那個訂閱健吾食評.
(vi)
7/1/2018
早上看了大佛普羅斯。
畫面色彩喻意看到的人生和世界。
佛中屍，像徵一切光鮮表像內裡的權錢交易，醜惡腐敗藏污納垢，像香港的仁X總理關係網，搞慈善籌款宴要去Ritz Carlton的變質。
沒有控訴，沒有正義的結局，壞人做壞事沒有惡報，繼續逍遙，小人物恐惶無助，日子仍得如常，卻又是另一種蒼涼吶喊。
不算難忘，不是震憾，但又拍得還不錯的電影。
看到香港新任律政司長的潛建新聞，本地權貴真的遮醜布的面也不需要了。
所以才有閒情小罵大幫忙。
要做官，是六個月以來一直傳開，不是秘密的秘密。
日子流流長，很多時間處理補鑊，怎麼還是被捉到已有很多前人斷正的明顯痛腳?
是呢，要求尺度已降至卑微如此，不要求一世沒行差踏錯，知法而守法，只求上任前處理問題事。
他們就是有權，一直不理，出事才求其補鑊，吹呀...
(vii)
我用了staub 煲焗羊腿...
是買煲以來第一次用.
如果我煮俾中女吃...
你估會結果係:
A)把到娘娘
B) 食物中毒
熟了放相.
看, 我幾誠實, 只說熟了放相, 不會說好吃放相, 呃like放相...
(viii)
7/1/2017
忽然覺得, 自己遲早俾雷劈.
對神明不敬, 只求心願達成.
明明沒有信仰, 卻在擔心的時候祈禱.
祝福她早日康復.
(ix)
8/1/2018
讀作者大戰噴噴怪固然覺得佢邏輯很強, 也很得閒(?!)
不過, 看到佢準備出書講倫敦遊, 卻更是期待.
睇左書當自己去左都好嘛...去倫敦的博物館喎...
很治癒....覺得自己文青了不少...
怎似實際的境況只是一枚 whatsapp 奴隸, 放工覆覆覆覆...問夠未呀...
(x)
想來, 下月便是二月了.
又到捐錢的月份.
嗯, 不長氣為甚麼捐錢, 原因還是那一個, 生命影響生命.
立場新聞, 眾新聞, 也想再捐多次傳真社.
也想繼續捐bams音樂學校.
政黨呢? 吾係咁想捐.
若是利是錢都算啦, 本來都吾係我啲錢, 但應該吾會囉.
調了位後, 成間房最多係電腦芒, 並要拍卡行入嚟架...
而我仲要坐角落位.
(OK...公司Block 左澳門最大線上賭場, 我係吾會有機會匿埋睇四仔, 除非IT 又發神經, 像某年某日般, 除了"賭場"可以任上任看外, 港交所, 敝公司網頁, 內聯網, webbsite, 明報, 信報, 經濟日報, 等乜Q都 block)
所以, 邊有人咁神心入嚟派利是.
(xi)
9/1/2018
有想搬出來住的打算.
很少看本地的租盤情況.
看到銅鑼灣2萬元樓下的租盤.
布簾後是廁所, 洗衣機....可以見到係升高平台, 去水道, 水管之類是埋在平台之下.
即大廈設計原不是這樣子.
咁既野250呎, 都要租13.5K
若漏水, 日久失修, 爆屎渠就hihi.
如果用嚟做炮房, 倒還可以諗諗...
但絕對吾可以俾條女開大.
即係我 (?! ) 絕對吾會玩後入?! 的保證.
條女只可表演沖涼.
夠!!!!
女都冇...諗咁遠做乜.
生活艱難.
香港吾係人住...
(xii)
9/1/2018
中產階層的生活其實是怎樣的呢?
買舊番梘都要 30 歐羅.
跟佢是兩個世界的人.
Le Labo, Diptyque , 乜在IFC 有店舖架咩?
在IFC, 除了食肆, 我雖未 cheap 到只光顧 ZARA ( 我其實吾會幫襯, 我邊著到呀, 那些尺碼專俾營養不良但又長腿的男人著架!!!!), 但這些卻真的不知道.
我連名都未識讀, 特別是後者.
以香水來說, Coco Chanel, Jo Malone, 仲有乜牌子?
所以, 我需要好多好多錢.
才能理解那個世界的事, 雖然, 自己未必會喜歡.
沒有留言:
張貼留言