15/1/2017
鬼怪小說和電視劇, 對比之下, 會見到三神奶奶的戲份多了, 也設計成和劉德華有過接觸的樣子. 令後者身分之謎更明顯, 這是導演的choice, 但也捧紅了那道人行人天橋!!!
王黎和Sunny轉世後再成為情人, 在咖啡室談情, 只有電視版才有...
仍覺得最後一段, 金秘書叫鬼怪注意來魁北克省旅行的韓國學生團, 會很吵, 應是bug, 金秘書那時應賣左咸鴨蛋才對.
幾得意的, 看到小說和電視劇的出入.
(ii)
今年初始, 發憤讀完鬼怪上下二集小說後, 今年的目標又邁進一小步.
又開始不思長進, 想買雜書看.
這本好像不錯.
不過其實有點矛盾的, 酒名譯中後, 我係吾知佢講邊枝.
英文, 又吾識讀那些酒名.
我知, 有呢個網頁教你讀呀嘛...
http://www.dcs.ed.ac.uk/home/jhb/whisky/pronounc.html
有生之年, 都吾知有冇機會飲過所有牌子一次.
http://www.books.com.tw/products/0010776327?loc=P_002_004
品味，從知識開始
這本書, 日前見有KOL 提起, 也有興趣看啊.
公共圖書館, 冇啊.
我應該開心定吾開心呢?
(ii)
朋友捎來的台灣手信.
常好奇別人去旅行, 怎麼總會買到一些好吃, 包裝又精美的手信.
我也有逛超巿地庫 / 參考網上十大必買 , 並不是在機場上機前求其執啲回來敷衍那種.
收手信是開心事, 因為對方在旅行時還會記得自己.
塞爆行李箱都好, 也會買手信回來.
想來, 去年寄手信寄到俾人話沒家教, 不懂做人...
也快將近一年的事了.
曾經的憤怒, 也漸已平息.
很多事情, 在那刻很重要, 隨時間久了, 卻又好像不重要.
(iii)
16-1-2017
自己不會怎儲威士忌, 一來要錢, 二來要地方.
不過看到余巿20yo 現在叫價9000多元, 不由得從箱裡拿出來聞一聞.
當然, 不會開封開瓶, 只係聞那枝威士忌的酒盒.
已好滿足.
差吾多成皮野喎...怎會無端開來喝.
等 Gal Gadot 把我溝上手 (吾係我溝佢呀吓, 我份人好矜持, 已吾再去溝女) , 我到時才開枝威士忌慶祝不遲.
(我係咪俾個巿chok 到傻左呢...Gal Gadot 會溝我呀...佢會主動溝我呀...我仲要去諗接不接受...)
店家, 一年總有數次光顧, 是自己搜集的資料中, 算平的一家, 至少平過Watson Cellar, 所以價錢應可以作準.
https://hy1972.com/collections/yoichi
(iii)
17-1-2017
揀啱野, 但 chok 到 hihi.
灰...
就好似以前我去睇舞台劇, 讀舞台劇課程,
明明去啱地方, 揀啱課程,
滿以為那裡一定有好多高質氧氣級的中女.
就好似上幾屆一樣...都有盧淑儀, 郭藹明, 袁詠儀望下...
點知卻遇著一班麻甩佬...gap down cut loss.
我現在仍然相信, 報下幾班的課程裡, 一定有好多中女...
#鬼吾知低買高沽咩...
# 可以灰, 但更要想辦法克服.
(iv)
17-1-2017
我睇戲咋, 我吾係做戲架.
我咪當自己係梁祖堯, 可以carry 到呢個style 先得架.
我最多上到舞台係扮樹, 扮士兵 (來回出入舞台, 俾主角斬死幾十次那隻)咋...
如果我笠埋呢件披肩, 老闆行入房見到我咁著, 我仲會對住佢笑, 佢都會打冷震?! 心裡講"仆街吖" 吧.
佢會主動叫行政總裁把公司冷氣調番高呢?
那就功德無量.
前幾日最凍果時, 我吾著大褸都可以去買外賣, 速去速回, 但在公司, 就一定著冷衫, 著褸.
吾係冇黑色, 但紅色看上去, 精神一點.
如果, 我指如果, 如果我雙手拉著披肩或毛毯在房走來走去....
我似不似港姐冠軍加冕巡遊呢?
um...OK...如果見到氧氣級中女時, 我就會改口說, "呢件係Harry Porter的魔法斗蓬嚟架, 我地笠上佢, 老細就會睇我地吾到, 到時我同你一齊去Cova 食個Tea 啦..."
(v)
18-1-2018
看了 Cats.
看得不算投入，因為很累...
聽過現場, 才知道一直以來, 很多歌手都亂鳩咁唱劇裡的歌曲.
個個都慌死吾impress 觀眾, 用曬"touch me ...."那個key 去唱 "moonlight..." 的部分.
所以, 不要笑內地歌唱節目, 係吾係都飊高音了.
原裝的"moonlight..." 的key, 唱起來輕柔得多, 好聽得多.
演 Grizabella的應是 JOANNA AMPIL, 看得出佢個子不高, 但原來都四張幾野.
我果然係中女雷達感應器, 坐circle 都仍然留意中女.
啲演員會不會有生熱痱的問題...啲服裝都吾少野喎...
(vi)
21-1-2018
收到早前訂的咖啡包了。
依然很好喝。
意外是，包裝是一些食評blog 負責人揀選的歌詞，雖然沒有一首熟悉，但稍為查一查資料，也知是謝安琪、蘇打綠、謝霆鋒、楊采妮、楊千嬅的歌，也有他簽名的包裝。一個客兩封，百幾個客就二百幾封，不是不感謝的。
分了六包給朋友和家人。
因為要三個月內喝，想再分多些出去，但卻不知怎開口冒昧。
好巴閉咩...畢竟只是咖啡包罷了，怎好打擾。
(vii)
昨晚看了 沉淪.
我覺得跌watt, 只是中等.
有點好笑的, 死了的丈夫自己抹番乾淨地下.
我知, 劇場俗成應當佢透明嘛...但係...搵SM team 抹, 有幾難, 那更明顯要當佢地透明架喎.
多媒體影像,我覺得是敗筆, 那些海水影像呢, 應可以用更好的方式.
大概把電影情節cut 得太多, 所以有點把劇情講了, 就當係有咁既事, 做左的感覺, 譬如保險金.
少了故事戲味.
女主角後生一點好啲, 雖然都夠大波?!
佢沖澡時, 應底褲都除埋, 一定要露毛.
吾係咸濕,而係, 一來剝衫做戲係冇乜野, 只要吾係自己條女, 二來, 全裸, 才顯出那一刻的animal status, 野獸係吾會識著底褲架.
女主角本身黑髮, 如果下體陰毛染成金毛, 一個黑髮金陰毛的女人, 金毛顏色和佢老公頭髮一樣, 會得出怎樣的implication呢?
Jude Law 有乜好睇呢? 入場睇佢的女人, 前世未見過男人. 吾係話佢差, 只係佢未去到BC咁, 要入場看囉.
唱歌和口琴, 都是implications , 丈夫和女主角都係咁唱, 女主角仲要大聲啲喎, 可以見到男主角和女主角的本質不同, 二人的結合是原始慾望驅動, 無理性可言..
開場前的導演訪問, 提及animals don't kiss, 所以結尾他們二人kiss 了, 可堪玩味, 去了本能慾望, 回歸"理性".
今年的NT live 暫時冇一齣impress自己, 雖好過那些新導演新劇本好多.
同場見到同學和導師。
連續三排, 斜線咁坐.
感覺很霸氣...導師左右都冇人坐. 樂得清靜, 沒有人在旁食熱狗開薯片.
但係我吾會學, 因為要錢.
離場播字幕時, 如常, 仍會有女衝上前跟他打招呼.
有才華的人係咁架啦.
呢啲機會不屬於我, 只有羨慕的份兒, 所以悄悄離開, 不打招呼.
因為正式完場後, 應將會有更多女走上前, 鬼得閒理應酬我咩.
作為一枚毒L , 被眾中女, 導師視而不見, 情何以堪.
(viii)
在尖沙咀看完戲, 想起食評KOL 早前說過佐敦有一間煲仔飯好正.
想起今天星期日成村平時不跑步的人卻去跑渣馬, 昨晚食肆不用怎逼.
所以也隨心走去吃.
係正架, 以價錢和質素嚟講.
飯焦好吃, 黃金焦得來, 不硬.
也吃了豬肉卷, 一碟炒菜和啤酒.
也很好吃, 夠熱夠鑊氣. 三碟野加啤酒, 埋單$231.
飽到回家不想寫字.
可以再encore.
btw, 應該不少人像我一樣跟KOL 搵食, 所以, 侍應見我點菜時, 也笑笑口.
(ix)
這是藝評.
Obsession 和日本愛情動作片系列 " 見面十秒即...." , "一日十回....." (假架, 邊個男人真係可以一日十次)
本質上, 都呈現了人類nature 獸性慾望的一面.
不過前者, 愛情動作少了, 卻多了探討irrationality, 特別是 nature 不是單一方向, 而是多方向, 除了情慾, 也有對自由天性嚮往, 良知, 構成了衝突.
男主角最後的choice , 是他作出平衡後, 覺得是"理智" 的選擇.
但轉頭來, 理智又是甚麼? 如果無良知, 咁成件事的choice 又會不同了.
好煩吧...睇戲啫...
所以 "見面十秒即...." , "一日十回....." 係簡化貼地好多, 有普世價值得多 ("XX空老師是世界的!!"呢個吾係呃人架 ) , 男觀眾也多好多, 女演員也年輕和索好多, 也更能呈現animal status (剝清光喎, 雖有格) 得多, 歌聲 (叫聲) 和愛情動作也反樸歸真得多.
青菜蘿白, 各有所愛.
藝術層次既野, 高與低, 見仁見智. (呢個anytime 劇場人反駁十九藝評時, 都可以咁用...)
我兩樣都OK, 我吾會帶有色眼鏡看不起日本片, 而我亦會用審美的眼光去睇.
(所以坊間十篇藝評, 七八篇都是扮野的仆街)
btw, 我只是舉例, 這是藝評, 寫前要資料搜集, 不代表本人對動物片種熟稔.
舉一個別人講過的事例 :
一對成年男女, 互有好感, 訓埋同一張床, 會不會仍是純潔, 不會有肉體上的交流?
聽落去, 梗係會有野發生, 乾柴烈火, 是生理, 和自然慾望嚟架嘛.
但係, 如果, 佢地已結婚逾十年呢?
"早抖啦...聽日仲要返工..."
所以凡事, 不要只看表面, 我把口衰, 但其實好斯文(敗類).
(x)
昨散場後, 同學在whatsapp 問, 會不會在面書comment 看過的劇.
嗯, 我有一刻心虛.
上月的鬧劇...吾會有人認到係我寫卦...佢係咪係到試我, 想我自爆?
若沒有講明, 也就裝作不知好了.
返工都係咁架啦...
做錯野, 上面未出聲, 就一於扮吾知, 轉頭執正, 並毀屍滅跡...
其實, 我已有4個月, 冇在正式面書帳戶, 出post , comment, 或 like 任何野了.
只是默默看.
下月, 就到了跟自己約定的出冊日期.
其實呀, 也不影響生活呀...
日子咪咁過, 我又不是KOL, 誰會在意或察覺, 世界亦依然故我自轉公轉.
沒有留言:
張貼留言